Nòvas d’Occitània    Nòvas d'Occitània 2011

invia mail   print document in pdf format Rss channel

Nòvas n° 99 Març 2011

Lettura continua della Bibbia in Friulano

Leture continue e Bibie par furlan - (TESTO IN FRIULANO)

a cura di ARLEF

italiano FileNotFoundException while reading 4992.html :: java.io.FileNotFoundException: C:\wwwroot\chambradoc.it\ROOT\applications\webwork\site_chambra\local\document\html\4992.html (Impossibile trovare il file specificato)
Di dominie ai 3 di Avril 2011 a sabide ai 9 de avril, 1300 volontaris che si spindaran te leture che e durarà di 3 a 10 minûts daûr dal test de Bibie sielt o assegnât, acompanhat da event ai 3 di Març – La Bibie par un popul; ai 17 di Març – Un popul cu la sô Bibie;ai 26 di Març – l’Arcivescul di Udin al incuintre i letôrs.
de ARLeF

La iniziative “Leture continue de Bibie par furlan ” al è un event unic tal so gjenar par vie che pe prime volte la Bibie e vignarà lete fûr par fûr, cence polse, intune lenghe minoritarie li la Glesie de Puritât (Udin) di domenie ai 3 di Avrîl 2011 a sabide ai 9 di Avrîl. Organizade de ARLeF – Agjenzie Regjonâl pe lenghe furlane, de Provincie di Udin, de Arcidiocesi di Udin e de Associazion Culturâl Glesie Furlane, e à ancje la adesion des Provinciis di Gurize e di Pordenon, de Arcidiocesi di Gurize e de Diocesi di Concuardie-Pordenon e il patrocini de Regjon Friûl Vignesie Julie e dal Comun di Udin. Par rimarcâ ancjemò di plui la atenzion su la iniziative e sul puest sede de leture continue, a son stadis pensadis 2 seradis “colaterâls” al event di Avrîl: il prin incuintri, curât de Associazion Culturâl Glesie Furlane, si davuelzarà joibe ai 3 di Març aes 20.30 li de Glesie de Puritât (Udin – dongje dal Domo) e al è intitulât “La Bibie par un Popul”, li che a intervignaran i protagoniscj de preparazion e de aprovazion dal test voltât:Monsignor Duilio Corgnali, tal 1977 vicjari episcopâl pe culture de Arcidiocesi di Udin e coordenadôr de Comission interdiocesane dai bibliscj e teolics pe preparazion de Bibie. Al è stât il protagonist dal ricognossiment uficiâl; Pre Romano Michelotti e Pre Antonio Cappellari, components de comission e amîs personâi dal tradutôr Pre Antonio Bellina. L’altri incuintri, “Un Popul cu la sô Bibie”, par cure dal diretôr artistic dal event, Federico Rossi, al è previodût par joibe ai 17 di Març aes 20.30, simpri li de Glesie de Puritât, e al varà come argoment la impuartance de dimension antropologjiche e de identitât culturâl tal orizont universalistic de Bibie. A intervignaran: Monsignor Rinaldo Fabris, docent di esegesi bibliche e President de Associazion Bibliche Taliane; Prof. Franco Fabbro, neuropsicolic e docent di neuropsichiatrie infantîl ae Universitât dal Friûl.
Al sarà propri il Diretôr Artistic dal event “Leture continue de Bibie par furlan” a presentâ il dibatit.
Infin, al è previodût par sabide ai 26 di Març aes 15.30 te Catedrâl di Udin, l’incuintri spirituâl cul Arcivescul di Udin, Mons. Andrea Bruno Mazzocato, e i letôrs-volontaris. E sarà la ocasion par ringraziâju de lôr disponibilitât e sotliniâ la impuartance de lôr azion a servizi de proclamazion de peraule di Diu. Si vise che la dibisugne di letôrs e je ancjemò fuarte! Indi coventin plui o mancul 1300, che si spindaran te leture che e durarà di 3 a 10 minûts daûr dal test de Bibie sielt o assegnât.
Il test di lei al vignarà consegnât une vore in anticip, prin dal event, e duncje il letôr al varà la pussibilitât di parecjâsi par timp podint ancje usufruî de disponibilitât de ARLeF, salacor, par sclariments.Par chest fin la ARLeF e à stabilît un calendari di datis par un servizi di jutori ai letôrs:
martars ai 8 di Març, joibe ai 10 di Març, martars ai 15 di Març, joibe ai 17 di Març, martars ai 22 di Març, joibe ai 24 di Març, martars ai 29 di Març e joibe ai 31 di Març.
In chestis zornadis, li de sede de ARLeF (a Udin in place XX Setembar, 23) des 15.30 aes 17.30 al sarà pussibil provâ a lei, dongje dai colaboradôrs de Agjenzie Regjonâl pe Lenghe Furlane, i tocs assegnâts, che a zornadis a vignaran spedîts par pueste eletroniche o consegnât diretementri a chei che a àn dât la adesion ae iniziative. In sumis une sorte di prove gjenerâl par ducj chei che a sintin la dibisugne di jutori prin de leture uficiâl.Al è pussibil iscrivisi ancjemò, come letôr singul o grup di letôrs, par telefon, clamant il n. 0432/555979 dal lunis al vinars des 10.00 aes 13.00 e des 17.00 aes 20.00, o pûr scrivint ae direzion bibie@regione.fvg.it. Si puedin vê notiziis ancje consultant il sît de ARLeF (www.arlef.it) e il profîl Facebook (ARLeF Bibie Par Furlan) creât di pueste e che al conte za un numar significatîf di “amîs”. Atîf ancje il sît www.bibie.eu.
I organizadôrs a vuelin ringraziâ lis cetantis personis e grups za iscrits e a son une vore contents dal preseament che al rive cu la unanimitât di dute la comunitât furlane che e compense ad implen il fuart impegn sul plan organizatîf par realizâ une iniziative epiche pe realtât regjonâl e no dome, li che i numars a fevelin di bessôi, cjapant dentri i putrops interlocutôrs e protagoniscj.

Condividi