Lo cours ou l’eut fet pre lo personalo de l’Amministrashon Peblicca, ou l’eut ivert a hi qu’ou l’ovro din la culteura e a touit.

Contenù:

Lo cours basiléro de leinga francoprovensala ou l’enteunt entrodouì li elemeunn fondamentalo do francoprovensal a travers d’attivitaie qu’ou consantisso i partissipeunn d’aquistà de cunussanse languistique e, plu an dzeneral, de competanse iliaie a si difareunn doméno d’usadzo. De la conta a la toponomastica, de la conversashon a la tradushon, lo francoprovensal ou saret presentà din sa retséhe lessicala, foneticca e semantica pedzò a l’entòrt de la varietà de Novaleise. Le ouit rancontre prevue ou saront supportaie do manualo “Parlé, leire e eicrire an francoprouvensal a Graviére”, de carque articlho dessù “Lo francoprovensal quei qu’ét?”, do lévro “Lo Prinselhon” (tradushon do “Il piccolo principe") e d’otro materialo betà a desposishon.

Durà:

22 oure de rancontre frontale an 9 rancontre (guidaie de Matteo Ghiotto)

Caro do cours:

Moueizhon comeune de Novaleise – Vi de Suse, 19

Armenòc de le rancontre:

demécro 10 otobro 2018 - oure 20.30/23.00

Quei qu’ét lo francoprovensal? Pre compreindre qui de sein e quei que de parlein.

demécro 17 otobro 2018 - oure 20.30/23.00

Elemeunn de conversashon: le forme de salut e de poletéhe. L’articlho, lo masculin e lo femenin din li non e li adzetivo, lo singuléro e lo pluriélo.

demécro 24 otobro 2018 - oure 20.30/23.00

L’escreteura e la leteura an leinga francoprovensala. Comeunn scrire e lire lo francoprovensal de Novaleise?

demécro 31 otobro 2018 - oure 20.30/23.00

Bieunn de non a l’entòrt de no! Me de dió paré e te comeunn te di?

demécro 7 noveimbro 2018 - oure 20.30/23.00

Avouitein ensein “Lou tsamin francoprouvensal”: quei qu’i et de l’otro caro de les Alpe?

demécro 14 noveimbro 2018 - oure 20.30/23.00

La complessità do francoprovensal a travers de la conta e la tradushon comme estrumeunn d’amprentissadzo. Anovrein lo francoprovensal avó “Lo Prinselhon” .

demécro 21 noveimbro 2018 - oure 20.30/23.00

Le manére de dire e lo non di caro. La retséhe do francoprovensal din touit li dzòrt.

demécro 28 noveimbro 2018 - oure 20.30/23.00

Lo francoprovensal de Novaleise a travers le voues de hi qu’ou l’ont scresù.

demécro 5 dicembre 2018 – ore 20.30/22.30

Provein a parlà seinsa creinta.

Cours an linhe

Durà: 8 oure

De demécro 24 otobro a demécro 14 noveimbro, de 17 a 19 oure.

In nohro operatour ou vo guideret din in percours d’approfondimeunn an anovreunn li materialo audio e video pebleiò dessù lo sito www.chambradoc.it “Enti in rete l. 482/99” . Pre profitar de he sarvisho ét possiblo de collegasse a Skype a l’account Matteo Ghiotto.

Info: cell. 340.0771033

email: matteoghiotto@yahoo.it