VELÒ METROPOLITAN-NA DE TURIN

VELÒ DE SUSE

VERBAL DE DELIBERASHON DO CONSELH COMUNALO N.43

ODZEUT:

APPROVASHON DO REGULAMEUNN PRE L'ISTITUSHON E LO FONSHONAMEUNN DE LES ASSEMBLÉE DI SITADIN.

L’eunn doueumilevenn incoueu treunta do mei de deseimbro a quinze ore e zéro meneute din la sala de les adunanze consilhére, convocà do Santicó avó avis ehresù recapità a norma de lei, i s’at reunì, an seshon Ordenéra e an seanse saraia o peblicco de Premiére convocashon, lo Conselh Comunalo, din le presseneu de:

Copì Albo

Totalo Preseunn: 12 Totalo Asseunn: 1

Ou preunt la presideinse M. GENOVESE Pier Giuseppe.
Ou partissipe a la seanse lo Segretéro Comunalo BARBERA Dr. Giovanni.

An applicashon de le meseure de semplificashon an matére d’organismo coledzalo i seins de l’art. 73 do D.L. n. 18 do 17/03/2020 e do Decret Sindicalo n. 11 do 16/06/2020, lo Conselh comunalo ou se teunt an videoconfereinse

LO CONSELH COMUNALO

Santouò l’ampla e detelhò relashon do SANTICÓ. Vu l’Estatut Comunalo;

Vu lo D.Lgs. 18.08.2000 n. 267 e smi;
Armandaie le deliberashon do Conselh Comunalo n. 20 do 29.09.2020 e n. 21 de la méma data, avó lequinte respetivameunn ou sont ihà approvà lo D.U.P. e lo bilan de previzhon finanshéro 2020-2022;

Prebetà que la modeficashon de l’articlho 118 de la Costitushon italian-na (l.3/2001) lh’at entrodouì in novo rapòrt entre sitadin e istitushon, basà dessù lo prensipio de la sussidiarietà, an arcunusseunn la ledzetimashon di sitadin din l'entrepreindre inissiative otonome pre lo presouivemeunn de but d’intré dzeneralo, ma an confieunn a les istitushon lo devouéro de favorir hétes inissiative;

Considerà qu’a le Comeune lhe totse la potestà regulamentéra, costitushonalameunn arcunussouò, an ordre a la desseplin-na de l'organisashon e din lo derolemeunn de se fonshon;

Tenù contio que pre adzir lo prensipio de sussidiarietà doquin o sità articlho 118, ou l’arléve la nessessità d’in ensein organicco e coereunn de desposeshon normative orientaie a valorizhér la partissipashon e lo rolo attivo di sitadin, ensein an doneunn sertiteude dessù le modalitaie e le condishon do rolo fet do sedzeut peblicco;

Atandù que, asseu a level comunalo, ét delon de plu santouò l’urdzeinse d’in arnovelameunn do sistémo democraticco qu’ou redouisisse pa l’engadzo di sitadin o momeunn do vout de si represanteunn ma que sisse asseu capablo de crear le condishon pre in emporteunn engadzemeunn din li prossé deliberativo localo, din lo sinho d’ina plu greunta responsabilisashon dessù le dessizhon qu’ou l’enterésho de manére releveinta lo territouéro comunalo;

Considerà que la Velò de Suse lhe confieut dessù l’efficahe do strumeunn de les “Assemblée di sitadin”, prensipala espreshon de la democrassì deliberativa, betà an praticca dipé omoueins vent’an din bieunn de paì europeein e do mondo, strumeunn de comprovà sucsé, capablo d’aprotsér li sitadin a de témo de greunta valour pre sa comenetà;

Donà at que l’Assembléa lh’ovre din lo seins de betar de groupe de sitadin seleshonà avó campionameunn casualo stratifeiò dessù tòt lo territouéro comunalo dedin li prossé dessizhonalo, an contat deret avó sedzeut poleticco e avó spessialisto e profeshonisto, pert sossiale e groupe d’intré, an faseunn analizhér de témo spesseficco d’intré peblicco a level localo on totun avó d’artseite a he level, lo tòt din in arc de tein determinà;

Arlevaie adonc de reison de greunt intré e asseu des opportunitaie a dotar la Velò do strumeunn de les Assemblée di sitadin, an n’an prevaieunn l’istitushon e lo fonshonameunn an in regulameunn aspres;

Donà at que pre l’ehreteura do testo do regulameunn din sa redashon definitiva i at folù apoiésse dessù la consuleinse tecnicco-santeficca de l’Assossiashon Oderal din le presseneu do coordenatour Dot. Samuele Nannoni e do Dot. Stefano Sotgiu, componeunn do Comità tecnicco-santeficco, qu’ou l’ont spesseficca preparashon an matére, esperieinse e relashon profeshonale a level nashonalo e entrenashonalo, tal

Documento prodotto con sistema automatizzato del Comune di Susa. Responsabile Procedimento: Fulvia Tonco (D.Lgs. n. 39/93 art.3). La presente copia è destinata unicamente alla pubblicazione sull'albo pretorio on-line qu’arseulte de la nota de l’Assossiashon aclhariò o Protocolo dzeneralo de la Comeune o n. 0012673 do 24/12/2020;

Soulinhò que lo supòrt de l’Assossiashon ou l’eut ihà prehà a titro gratouì, an in esprit de collaborashon e din la declharaia desponibilità a mantenir de contat avó l’Eunn pre momeunn d’approfondimeunn dessù lo témo de le pratique de democrassì deliberativa, seinsa esclure lo futur supòrt din l’istitushon d’ina Assembléa di sitadin din la Comeune de Suse, primà din lo panoramo istitushonalo nashonalo;

Considerà qu’an data 23.12.2020 lhe s’at tenouò la Commishon Consilhére pre l’Estatut, li Regulameunn e lo Bilan;

Vu lo regulameunn a iliar a la preseinta, costituì de n. 16 articlho totalo e artenù meritablo d’approvashon din he siédzo;

Aquisiò l’adreita favorabla de laquinta a l’art. 49, coma 1, do D.Lgs. 267/2000 do Segretéro comunalo attesteinta la regularità tecnicca de l’at;

Dato at que la documentashon entegrala de les entervanshon lh’eut ihaia adziò moueieunn li mouieunn aspres de redzestrashon odio e odio-video do programmo de videoconfereinse empleiò pre lo derolemeunn de la seanse. Lh’arseulte bieunn conservaia e deposaia en tse la Segreterì.

La redzestrashon odio lh’eut iliaia a la preseinta pre fare-zenn pert entegreinta e sostanshala e a la méma lhe s’armande i seins de heunn desposà do Decret Sindicalo n. 11 do 16/06/2020.

La redzestrashon odio/video de la seanse lhe veunt randouò desponibla dessù lo sito comunalo www.cittadisusa.it, a la voues “Conselh Comunalo an linhe”;

Prossedà a la votashon espressaia an forma paleisa, is’at avoù lo souiveunn reseltà proclamà do Presideunn:

preseunn 12

astenù 0

voteunn 12

an favour 12

contréro 0

OU DELIBÉRE
1. De donar at que la premisa lhe costitueit pert entegreinta e sostanshala do preseunn dispositivo.

2. D’approvar lo "Regulameunn pre l’istitushon e lo fonshonameunn de les Assemblée di sitadin", costituì de n. 16 articlho totalo, qu’ou veunt ilià tal que pert entegreinta e sostanshala do preseunn at.

3. De donar at que lo Regulameunn an odzeut ou l’intreret an vigour a esecutività aquisiò de la preseinta deliberashon.

I se done at que din lo cours de la trattashon do poueunn 5 de l’ordre do dzòrt “APPROVASHON NOVO ESTATUT COMUNALO”, a 17 oure 49 lo Santicó, an aquiseunn la demanda do Groupe de minoranse “Suse”, pervenouò an data 28.12.2020 e aclhariò o protocolo comunalo o n. 12703, ou l’armande la proposeshon de deliberashon a in protséno Conselh comunalo, pre conseintre a la Commishon Consilhére Regulameunn, de reconvocasse, d’otro approfondimeunn e apòrt.

Pre heunn i se prosséde a la renumerashon di souiveunn poueunn a l’ordre do dzòrt.

Lo Presideunn Firmà Dedzetalameunn

GENOVESE Pier Giuseppe

Lo Segretéro Comunalo Firmà Dedzetalameunn BARBERA Dr. Giovanni

Documento prodotto con sistema automatizzato del Comune di Susa. Responsabile Procedimento: Fulvia Tonco (D.Lgs. n. 39/93 art.3). La presente copia è destinata unicamente alla pubblicazione sull'albo pretorio on-line