franco-provenzale
Dizeme ën poc vouzaoutri sé è i ëst nhint ën bourdel. Tui’ li dì lou poustin ou aruvet a to gro ëd posta: journal, journalët, riviste, publichità, proupaganda për lou coumersi për courispoundensi …. Mai quërcoza d’interesant! Ët pasët fin la joi eud vardà é lezri! Ma l’aoutrou dì finalmënt…èrou geu bèle éiquì për tapà via tout, can j’ai trouà ën journal tout scrit ën francoprouvensal “La zmana”. La choza è m’eu ëntrigaia subit, parèi j’ai ëncaminà a lèzri: “Ërzë scolë ëd mountanhi ou sount ën camin d’èstri sëraië”, “la pas irlandeiza è i ëst fragila”, “La couestioun ëd li dipartimënt rejounal”…..
Mërguitta: Mini, tè qu’ët va souvënt ën Frënsi, t’sas tou dime coza qu’ëst ësto journal éisì?”
Mini: “Sé journal eiquì ou i ëst la “La zamana”, m’ai abounà can quë sëi alà a Bessans; t’astou descruvì meuc oura qu’è i eu ën setimanal ën francoprouvensal?”
Mërguitta: “t’a fait propi bin, ma to sa quë j’ai nhint gro joi ëd lezri. È i eu ëd co una televizioun o ‘na trëzmisioun radio?”
Mini: “Ëmpasienta quë t’è! T’a ‘na choza é subit n’eun veu geu n’aoutra! Ëd radio è n’eu quërcunë coume “Radio memoria” é “Radio Valadë” é për la televizioun ‘na méz’ourëtta la zmana su FR3 Grenoble. Ma crusiete nhint…ën tant nou ël vièn nhint né una né l’aoutra”
Mërguitta: “Ahh j’ai quëpì sé nouzaoutri pëtisèn, lh’aoutri ou font nhint fèsta. Mini! Can quë nou fazèn ‘na radio é ‘na televizioun për ël nostrë valadë?”