Per li dzivèt an de Silvana è li vint de Serafin, la mari Gina è lou pari Douardo l’on dechidù de pagué in viajo a totti buì
Silvana: "I t’ inn’ idea fantàstica, l’ èi inna volha mata. Serafin, senque na dié d’ alé anfourmèse da inna agensia de viajo?".
Serafin: "L’ ave reizoun. Pouvèn alé a Suza, me s’ milhe que n' ièt unna. Lai, pouvèn chuzì totte le pousibilità."
Silvana.: "Ma ti pense d’alé avei lou treno, l’aereo, la nave? Alèn pré o lonh? Faràt jò frat aou mar?"
Se.: "Devòn tot, devèn dechíddre andounque alé è, apré, veièn pi coumme. A mi me pleirit de prouvé l’ aereo vit que l’ èi pa cò pilhalo è voudriò propri veira li paì da oout.
E parìe atendoun pà è pilhoun la courriera pèr Suza.
A l'agensìa, mentre que atendoun lou tourno, i guéitoun li fouelh de le poublichità. A n’ ièt de totte le calità, da fare anchouqué la fantazià.
Agensìa: “Guèité, bravi jouvve, din sou moument eisì a ièt de oufferte fourmidable pèr la Svissera, la Spanha, la Catalounha. Se voulìe alé an aereo, i soun de vol dirèt Turin – Ginevra”.
Se.: " Silvana save senque pouvèn fare? Alé an aereo finca a Ginevra, viré in poc la Svissera, è tourné arìe avei lou treno an pasòn per la Savoia, è apré pilhé la courriera è tourné eisì, an pasòn da la Val d'Aousta.
Silvana: "Serafin, l’ ave avù unna bèla idèia, fazen pròpi parìe".
L'agensia verífique la dispounibilità di post pèr sëtti itinerari, s’ocuppe de rizervé è preparé li bilhèt. Soun pi prount per l' andoumon.