Mi cuzin Sei, Vijou è Louiza soun venù, per lou premìe col, da Aussois per pasé carca jorn isì din la Valada. Sei: “ Me fèit pleizì de veira toun paì. Din que valada sèn? Silvana: “ Se trouvèn an Val de Suza. I lunja, è se partage an basa è oouta Val. è l’ at onca in baroun de valoun a dréita è a eichota“. Louiza: “ Sou paì isì se monde Graviére, i parìe?? Silvana: “ Se monde Graviére da "Gravier", pechite piere pourtà da lou tourent. Sei : “ Senque i èt de ton bèl da veira? Nou iou fa veira?? Silvana: Sicur, isì sèn a vètsent mètre, a la dréita de la Douira, i-t in post andounque fèit asì choout è se coultive in baroun de frita. Vers la mountanha i -t in poc pì fréic. Graviére i lou darìe paì , anont amoum vers l' Oouta Val de Suza è lou premìe venont aval andounqoue se parle lou francoprouvensal, perquèn ière lou counfin de lou Delfinaa tra Graviére è Chimoun, finca a lou 1713. Vijou: Gueita!, in arc an piera! Pilhèn lou soupasajo. Andounque ou porte? Louiza: “ D’ isì se veit a l’ ingleiza, ma varra i sarâ. Ma , isì pré, vou foout veira in bèl pourtal è in bachass”. Sei: Leibà i soun in baroun de meizoun, unna atacâ a l’ ooutra, i vivit in baroun de gen? Silvana: Varra sèn poqui, ma in col, viviòn tonte personne è tot lou cumun fazat quazi mille abitont. L' Eira Coumunna ière sut lou Moular, propri su la rocha a pìc, perquèn dzot pasave l' eiga. |