Finalament comença lo viatge. A sieis oras de l’après-metzjorn, Alèxi e Asalais parton da Turin abo l'avion que, en nimenc doas oras, lhi descharja a Barcelona. Lo matin d'après, ilh decidon de retardar la vísita a la vila per anar dui jorns a la mar. Ilh an trobat un acampament sus la Còsta Brava abo de pichòtas maisons de bòsc e ilh n'an afitaa una. Siem a setembre e lhi a pas pus tanta gent sus aquela granda plaja de sabla fina e doraa. L'aiga es tèbia e far lo banh es un plaser, un plaser se sies bòn a noar! Mas Asalais … Alèxi: “Fòrça Asalais, campe-te qu'es bèl. Venes-tu pas dins aquesta aiga tranquilla? Lhi a ren n'onda!” Asalais: “As pro bèl far tu! Mas iu siu ren bòna a flotar, ai paor de near!” Al.: “S’as paor de l'aiga polem anar en barqueta, ailai ne polem loar una,  o, se non, anem visitar la còsta abo la nau”. Parelh ilh ciernon per la nau e van al pòrt. Es fito fach: pilhon lhi bilhets e s'embarcon al pònt C;  destinacion: un vir de doas oras per la Còsta Brava. Asalais se solelha e se solatja. Sal pònt de la nau l'aire lhi fai volar lhi chabelh e lhi gabians lhi passon sus la tèsta derant de se campar dins la mar per pilhar lhi peis. En qualqui moments lhi manca lo flat e, quora l'onda fai bautear la nau, se ten a la brondana o a un gròs soastre. Es una experiença formidabla per ilhe que ven da la montanha.

Finalament comença lo viatge. A sieis oras de l’après-metzjorn, Alèxi e Asalais parton da Turin abo l'avion que, en nimenc doas oras, lhi descharja a Barcelona. Lo matin d'après, ilh decidon de retardar la vísita a la vila per anar dui jorns a la mar. Ilh an trobat un acampament sus la Còsta Brava abo de pichòtas maisons de bòsc e ilh n'an afitaa una. Siem a setembre e lhi a pas pus tanta gent sus aquela granda plaja de sabla fina e doraa. L'aiga es tèbia e far lo banh es un plaser, un plaser se sies bòn a noar! Mas Asalais …
Alèxi: “Fòrça Asalais, campe-te qu'es bèl. Venes-tu pas dins aquesta aiga tranquilla? Lhi a ren n'onda!”
Asalais: “As pro bèl far tu! Mas iu siu ren bòna a flotar, ai paor de near!”
Al.: “S’as paor de l'aiga polem anar en barqueta, ailai ne polem loar una,  o, se non, anem visitar la còsta abo la nau”.
Parelh ilh ciernon per la nau e van al pòrt. Es fito fach: pilhon lhi bilhets e s'embarcon al pònt C;  destinacion: un vir de doas oras per la Còsta Brava. Asalais se solelha e se solatja. Sal pònt de la nau l'aire lhi fai volar lhi chabelh e lhi gabians lhi passon sus la tèsta derant de se campar dins la mar per pilhar lhi peis. En qualqui moments lhi manca lo flat e, quora l'onda fai bautear la nau, se ten a la brondana o a un gròs soastre. Es una experiença formidabla per ilhe que ven da la montanha.