|
E disetz-me vosautri se l’es ren un bordèl. Tuchi lhi jorns lo postilhon arriba abo un baron de pòsta:
jornals, jornalets, revistas, publicitats, propaganda per lo comèrci en correspondença … jamai qualquaren d'enteressant! La te passa la vuelha de beicar e de lèser! Mas l'autre jorn finalament, ero já esquasi aquí per tapar via tot, quora ai trobat un jornal escrich totalament en occitan: "La setmana". La causa m'a entrigaa e ai començat a lèser: "L'escòla occitana d'estiu de Vilanuèva a un succès creissent", "La patz irlandesa qu'ei fragila", "La question de l'autonomia de las regions se pausarà obligatòriament" ...
As.: "Alèxi, tu que vas sovent en Occitània de l’autre cant, qu'es aqueste jornal?"
Alèxi: "Aquò es "La setmana", me siu abonat quora siu anat a Besiers; o sabies pas qu'aüra la lhi a decò un setmanier en occitan?"
As.: "As ben fach, mas o sas que mi siu pigra a lèser. La lhi a pas una television o almenc una ràdio?"
Al.: "Empacienta! As una causa e ne'n vòs já doas! De ràdio lhi n'a qualqu'una coma Ràdio País e Ràdio Lengadòc, e per la television, una mesa oreta la setmana sus FR3 Tolosa e Marselha. Mas fai-te pas de crucis, en çò nòstre chapes ni una ni l'autra!"
As.: "Ai capit. Se nosautri patissem, lhi autri jaisson ren. Alèxi, quora es que montem una ràdio e una television per nòstras valadas?".
|
E disetz-me vosautri se l’es ren un bordèl. Tuchi lhi jorns lo postilhon arriba abo un baron de pòsta:
jornals, jornalets, revistas, publicitats, propaganda per lo comèrci en correspondença … jamai qualquaren d'enteressant! La te passa la vuelha de beicar e de lèser! Mas l'autre jorn finalament, ero já esquasi aquí per tapar via tot, quora ai trobat un jornal escrich totalament en occitan: "La setmana". La causa m'a entrigaa e ai començat a lèser: "L'escòla occitana d'estiu de Vilanuèva a un succès creissent", "La patz irlandesa qu'ei fragila", "La question de l'autonomia de las regions se pausarà obligatòriament" ...
As.: "Alèxi, tu que vas sovent en Occitània de l’autre cant, qu'es aqueste jornal?"
Alèxi: "Aquò es "La setmana", me siu abonat quora siu anat a Besiers; o sabies pas qu'aüra la lhi a decò un setmanier en occitan?"
As.: "As ben fach, mas o sas que mi siu pigra a lèser. La lhi a pas una television o almenc una ràdio?"
Al.: "Empacienta! As una causa e ne'n vòs já doas! De ràdio lhi n'a qualqu'una coma Ràdio País e Ràdio Lengadòc, e per la television, una mesa oreta la setmana sus FR3 Tolosa e Marselha. Mas fai-te pas de crucis, en çò nòstre chapes ni una ni l'autra!"
As.: "Ai capit. Se nosautri patissem, lhi autri jaisson ren. Alèxi, quora es que montem una ràdio e una television per nòstras valadas?".
