|
Lo paire: "Me siu decidut: siu anat achatar n’ordinator! Sies contenta, Asalais?"
Asalais: "Segur que siu contenta, finalament! Mas mi ne’n sai gaire d'aquò".
Paire: "Chalerè qu'anes far un cors, sobretot per aprene coma s'adòbra Internet".
As.: "Mas, papi! En occitan se ditz la telaranha!"
Es parier qu'Asalais vai s'enscriure a un cors d'informàtica. Asalais fai abastança fito a mestrejar aquelas aisinas, qualquaren conoissia já da l'escòla: la tastiera, lo jarri, l'estampadoira, lo mòdem, çò que chal far per escriure un document, lo registrar, l'estampar, crear un dorsier nòu; mas fai mal far de manobrar dins la telaranha e sus la pòsta electrònica.
Magistra: "Es bèl far de mandar un messatge: basta intrar dins lo programa Outlook Express, coma dir “gachar fito”, esquichar sus “messatge novèl”, escriure lo messatge, completar abo l'adreça pilhaa da l'adreçari, esquichar sus “mandar” e aquò part.
As.: "E per viatjar sus Internet?"
Magistra: "Es pas talament complicat, basta esquichar sus Internet Explorer: aquò te lia al tiu servitor que te manda dins la telaranha. Aquí, o conoisses l'adreça de çò que vòs veire, o la vas cerchar abo un motor de recèrcha".
A la fin d'aqueste cors, Asalais es una pichòta mascha de l'ordinator: pas solament viatja sus la telaranha, mas es decò bòna a registrar la comptabilitat sus lhi fuelhs de càlcul e sa far un ric adreçari sus una basa de donats, un programa qu’organiza d'informacions.
|
Lo paire: "Me siu decidut: siu anat achatar n’ordinator! Sies contenta, Asalais?"
Asalais: "Segur que siu contenta, finalament! Mas mi ne’n sai gaire d'aquò".
Paire: "Chalerè qu'anes far un cors, sobretot per aprene coma s'adòbra Internet".
As.: "Mas, papi! En occitan se ditz la telaranha!"
Es parier qu'Asalais vai s'enscriure a un cors d'informàtica. Asalais fai abastança fito a mestrejar aquelas aisinas, qualquaren conoissia já da l'escòla: la tastiera, lo jarri, l'estampadoira, lo mòdem, çò que chal far per escriure un document, lo registrar, l'estampar, crear un dorsier nòu; mas fai mal far de manobrar dins la telaranha e sus la pòsta electrònica.
Magistra: "Es bèl far de mandar un messatge: basta intrar dins lo programa Outlook Express, coma dir “gachar fito”, esquichar sus “messatge novèl”, escriure lo messatge, completar abo l'adreça pilhaa da l'adreçari, esquichar sus “mandar” e aquò part.
As.: "E per viatjar sus Internet?"
Magistra: "Es pas talament complicat, basta esquichar sus Internet Explorer: aquò te lia al tiu servitor que te manda dins la telaranha. Aquí, o conoisses l'adreça de çò que vòs veire, o la vas cerchar abo un motor de recèrcha".
A la fin d'aqueste cors, Asalais es una pichòta mascha de l'ordinator: pas solament viatja sus la telaranha, mas es decò bòna a registrar la comptabilitat sus lhi fuelhs de càlcul e sa far un ric adreçari sus una basa de donats, un programa qu’organiza d'informacions.
