A Z'ais la sero dal 10 de nouembre 91, a l'Amasado generalo de l'I.E.O. ero lou prim bot que veiou d'en te sourtien i paraoules que abiou sentù sus en disque chatà en la memo vilo en lou '77.
Lou saben que souenh i poueto, soun de grimisel de sentiment, que couro se desdavanen fan en "bosin" a dilo abou i paraoules de Alan; en fil que sono, en fil que groupo la jent abou la musico que fai man man i paraoules desdavanen. E carqui bot la musico crei e deven en quiar, en quiar que nous esquiardo.
Alan i'es pus, lou disque en te i avio la sio voous de zoubre, l'ai emprestà, perdù.
De nel me resto mec la dedicatorio sus lou darnie libre que barounant i sie trabai pu gros, es en paou lou siou testament. Es segur que nous enamouren de lou darnie poueto que aben lesù, me de Alan me poularai jamai desnamourar.
Es la sio vous, ensemo a uno pinhà d'aoutres poueto moudem, que m'an viscà la santo patalerno.
La forso dei paraoules, que te coulend dedins e te fan frizounar l' esquino, lou bram que soubbro lou "Bosin" de Niço e trabersant la mountanho, buffo sus lou mourre d'en popple que, d'en cant e da l'aoutre viou i countradizioun de na culturo que per ren morir cha que frounte i proublemo de la moudernità.
"La poesia non si trova dins un libre cùbert de mofa, la poesia es sus lo camin din cada minuta que passa... "
Es aquest cresou, un de i messaje pus empourtant que Pelhon nous laiso en ardità.
Es d'aquel messaje que cha partir per ren laisar morir na musico.
commenta