An pòou de la demoulisioun,

san que belo lour an pa de perdoun

perquè i pòlen toumbà 'nte la vogo

de la coustrusioun,

que l'ei ouromai na drògo.

Si se prezento l'oucazioun

í bòouquen pa se la peno pago

i sant e i madone d'i piture

i e chàpen embé na drago

e i campen en t'i ourdure.

S'i soun de Agnezotti ou de Testo (1)

en dirio que ben voulentìe

i porten vio 'ncà pu a la lesto

'scazi da stremà

perquè digun i e vegue pa.

Tout acò coumo se la fous pa nen,

senso reflete soque l'ei lou ben,

pa mec aquel predicà da i preire

ma touto na manero de vive

moustrà da i nosti réire;

Sabèn que i nosti pecè

i nosti reire viéi

d'esse de parolo i chamaven pa de miéi,

e se i dizìen qu'i fazìen en vout

i se minjaven pa lou mout.

Per grasio resebùo

i mountàven pa na cazo,

boucà que razo!

i fazìen en bel piloun,

pensà que devousioun !

Ma, vist qu'en pàou de coze,

i pu bele dal temp passà,

i soun toute aquì per trambaià,

perquè digùn se beto pa a la testo

per salvà i piloun e tout la resto?

E i piture? Qui l'ei que pol sabè

d'issì a na bando d'an,

que tan i poularìen valé?

I a pa d'ome que lou san !

Eiro i piloun tramòlen

perquè i ome d'enqùi

san pa pus so que se vòlen.

Carque piloun es jo 'stà 'nterà

e d'aouti se sa pa 'nt'i an campà.

E tout acò per la speculasioun

e, nimanc qui qu'an tanto fede,

an pa fach oupouzisioun,

perquè i dìen que, tantutun, la coulpo

ou i-es de tuci ou pa de digun.

FINA ALESSANDRO (Sandrin)

de San Peyre - Val Varacho

(1) due pittori di San Peyre che hanno dipinto molte cappellette votive.