Mando lou jàl na noto d'alegrìo

per salutar lou naisse dal souléi.

L'oumbro esvanìss: la nuèt é jo funìo

e s'è mai visto na journa parei.

Ribbe e coustoun se soun vesti da festo

per far pu quiaro e belo la journa;

al fiour di pra, 'ntal tirar su la testo

i chuchou ancàr i estisse dla rousa.

I viéi da l'ùis se godou la frescuro

e jutou meq i polou a l'auto gent;

vache e chabri se rendou a la pasturo

e la valado è touto en mouviment.

Chanto lou jal e la souo vous coumando

qu'i reste dgùn coun la pigrìcio acòl.

Lou pan è scars e la miserio grando:

qui fe' mai d'nent, al manjo quouro al pol.