Cuéhir l'oudour dal mèrse

dins un fuéc luégn

de rousses trasparenses.

Vioure quarques viéies estories

arsivoules couma de grosses vedra

de catedrales.

N'adounar-se dal tramoulàr

dal passerot taca

moùis d'esbuèi fin al cor.

Laissar-se anàr a l'endoulenço d'la nuéch,

que avisco taches d'quiàr

al mès dei mur descrousta des cases.

N'avisar-se d'un fuéc

que bruso cru

dins l'oumbro d'na estajoun que douno areire.

...E la mio estéllo

espèto la matina dei òme

per murìr.