Atività ‘dli Counseui Coumunal dopou l’indisioun ‘dli coumisi eletoural.

Coza è s’ peut fase é coza no.

L’ezecusioun dërzìelesioun aministrativë è limitët ërz’atività ëd lh’Ent a peurtì daou 45° dì prechedent a sè ‘dlë voutasioun. La scqueudensi doou meundà eletoural é lou zvoulgimeunt dërz’elesioun aministrativë ou sount souveunt ‘na squeudensi për lh’Ent loucal: difati pruma ëd ‘sta squeudensi è i eust nechesari serà li prouchedimeunt é lh’at qu’ou peuvount nhint estri pìia ën caric ënt ‘oou ten eletoural.

Për semplificà teuntìmn, è s’ peut dì quë l’atività ‘dli Counseui Coumunal, dopou la publicasioundoou decret d’indisioun ‘dli coumisi eletoural, è i eust limitaia a l’adousioun ëd lh’at urgent é nhint rinviabil. 

Tou’ seun è veut dì quë ënt eustou interval ëd ten, ten ëd treuzisioun, l’ourgan cousiliar ou peut aprouvà meuc lh’at esensial é nhint rinviabil, eumpost da la countinouità dl’asioun aministrativa. È s’ tratët couindi ëd tui’ sé at qu’ou i ont ‘na squeudensi definitiva o ato ‘na squeudensi quë sè saoutaia è reundrit inutil l’at medem o ou lou reundrit inutil rispet aou benefisi qu’ou i arit douvù pourtà, risquieunt ëd vinì adiritura reis ëd counsegouensi maladoueurnë për l’eunteres public.

Couindi tenti dì pruma dërz’elesioun è euncaminët la limitasioun ën couestioun?

La legë è steubileit quë la data për fà ërz’elesioun për rinouvà li Counseui Coumunal è vint fisaia, daou Minister dl’Intern, nhint dopou lou 45° dì prechedent a sè ‘dla voutasioun, couindi la limitasioun dl’atività poulitic-aministrativa ëd  lh’Ent è i eust meuc ënt li 45 dì pruma dërz’elesioun.

Fazen n’ezempi për queupì teuntin mieui. Sit an (2024) ërz’elesioun aministrativë ou sount istai fisaië për li 8 é 9 ëd junh, couindi counteunt 45 dì daou 7 ëd junh, la limitasioun për lh’Ent Loucal ëd touta Iteulia è t’istaia a peurtì daou 24 d’avril. 

D’acordi, tou’ gro eunteresant, ma cal ou srit l’oubitìou ëd prevedri ‘na noueurma parei? A coza è serveit?

‘Sta nourma ëd soustpensioun è t’istaia pensaia për evità quë lou Counseui Coumunal ushent ou coundisiounët lou corp eletoural atraver l’adousioun d’at “ëd proupagueunda”, cioè asioun feuvourevoul più a lh’eletoù, quë nhint aou general eunteres public.

Ma ëd co l’oubietìou ëd destinà aou neu organ eletìou – daou moumeunt qu’ou i eust espresioun atouala ‘dla voulountà poupoular – ël seurnìë rigouardant l’avinì ourdin dl’Ent.

Riassumendo e concludendo, si può dire che l’attività dei consigli comunale, dopo la pubblicazione del decreto di indizione dei comizi elettorali, è limitata all’adozione degli atti urgenti e improrogabili.

Ecco perché è necessario che i Consigli Comunali, prima di tale scadenza, infatti, chiudano procedimenti e atti che non possono essere assunti nel periodo elettorale.

Riqueupitouleunt é fineunt, è s’ peut dì quë l’atività ëd li Counseui Coumunal, dopou lou decret d’eundisioun ‘dli coumisi eletoural, è vint limitaia a l’adousioun d’at urgent é eumprourougabil, për 45 dì, finha aou dì pruma dërz’elesioun.

Voualà la reuzoun përqué li Counseui Coumunal, pruma ëd ‘sta squeudensi ou serount tui’ li prouchedimeunt é at qu’ou peuvount nhint estri pourtà aveunti ënt ‘oou ten eletoural.

COUMUN ËD MOUNEUSTÉ

SITA’ METROPOULITANA ëd TURIN

VERBAL ËD DELIBERASIOUN ‘DOOU COUNSEUI COUMUNAL N. 7

OUGET: Comunicasiou doou Sindic

L'an duimilaevintecat, a li ses doou meis ëd junh arz’eure vintunë ënt la sala d’ërz’aduneunsë counsiliar, counvoucà për ourdin doou Sindic ato avis scrit recapità a nourma ëd legë, ou s’eu riuniì, ën sesioun Ourdinaria é ën seduta publica ëd Pruma counvoucasioun, lou Counseui Coumunal.

Ou sount prezent li Znhour:

Toutal Prezent 9,

Asent 2.

Asistët a l’aduneunsi lou Segretari Coumunal Dout.ssi Concetta CHISARI qu’è prouvedët a la redasioun doou prezent verbal.

Daou moumeunt quë lou numër ëd lh’euntervinù ou i eust legal, lë Znhour TOGLIATTI Maurizio ënt la soua coueulità ëd SINDIC ou asumët la Presidensi é ou diquiarët duerta la seduta për la tratasioun dl’ouget dzeuri eundicà.

OUGET: COMUNICASIOUN DOOU SINDIC

LOU SINDIC OU RINGRANSIËT TUI’ LI COUNSILHÉ É LË STAFF DOUNEUNT LETURA DOOU COUMUNICÀ ËD SEGOUIT EURPOURTÀ:

BARRA Sabrina

J’ai joi ëd moustrà sinchera eurcounouseunsi a la vichesindic Sabrina Barra, për li soun sinc an ëd servisi a la coumunità, dedicà é apasiounà (tènti li diseundou pasà ën coumun, toun dì libër, për dounà souport a lh’ufisi). Lou toun eumpenh é la toua dedisioun coustant ou i ont pourtà sinhificatìou milhourameunt ënt la nostra coumunità, reundeunla ën post milhour eundoua vivri. Li tinhou a eurcourdà, a stou’ proupozit, la ristruturasioun dl’ambulatori, servisi eundispensabil é gro apresìa, é la ricoualificasioun ‘dli servisi igenic coumunal.

FORNELLI ALEINA Gabriele

J’ai joi ëd moustrà sinchera eurcounouseunsi a l’Asesour Gabriele Fornelli Aleina, sempër prezent é dispounibil ënt tou’ lou ten aministratìou. Grasië a lou soun eumpenh atìou ënnt la Proutesioun Chivil, coumë respounsabil, ou s’eu proudigà ativameunt su tou’ lou teritori, ato përticoular atensioun a la seulvagouardia ‘dli senté é a la peurtechipasioun ënt ël prouchisioun, event relijous é meunifestasioun coumunalë. Sensa dezmeuntià lou periodo Covid-19. Eut reungrasiou eud queur për la toua prezensi é peur tou’ seun quë t’a fait për lou nostrou Coumun.

BRAGGION Michele

J’ai joi ëd moustrà sinchera eurcounouseunsi aou counsilhé Mechele Braggion, për lou soun countribù é la soua dispounibilità, ënt ën periodo ëd cresita fourmativa é peursounala. Ënt sti sinc an, ou i eu outinù la laourea ën Siensa é Tacnoulougìë Agrarië é ou i eu euncaminà ën peurcoueurs ëd travai ën Coldiretti. Seun ou m’ reunt bin ourgoulhous, për lou soun eumpenh paralel nhint meunc ën lhë studi, ma ëd co ënt la vita aministratìva. Li tinhou a eurcourdà, a stou proupouzit, lh’euntervent efetouà zlë vì Meuca-Meursai-Seulvin é Sistina-Menoulla-Lac ëd Mouneusté, sensa nhint dëzmentià la ricoualifica di alp.

FORNELLI BARRA Alessandra

J’ai joi ëd moustrà sinchera eurcounouseunsi a la counsilhera Alessandra Fornelli barra, për lou soun percoueurs aministratìou, la più joueun tra li counsilhé. Ënt eusti sinc an, t’à councouistà la laourea magistral ën Siensë ‘dla Fourmasioun Primaria, alternant travai, studi é eumpenh aministratìou. Li tinhou a eurcourdà lh’euntervent fait ën Bourgà seun Jors, për lou pouzisiounameunt ‘dli pous për lh’alachameunt founhari é ën Freusioun Fournel, për l’iluminasioun.

MICHELETTA MOSCA Giovanni Battista

J’ai joi ëd moustrà sinchera eurcounouseunsi aou counsilhé Giovanni Battista Michetta Mosca, la soua deuspounibilità é esperiensi, foundamental ënt eusti sinc an. Grasië a la toua prezendi ativa, ou s’eu pousù ricoualificà é butà ën sicureussi la Bourgà Curiquiat. Tenti ou sount istà lh’euncountr é lhë squeumbi eunsembiou a li rezident, për trouà li proublema é coustruì eunsembiou ël soulusioun milhour për lou post, tra sitti la regimasioun dl’aivë, pourtaië fora da l’abitat, lou pouzisiounameunt ëd guard rail é lou tai ‘dlë pieuntë.

BERGAGNA TEPAS Davide e Paola

J’ai joi ëd moustrà sinchera eurcounouseunsi a li counsilhé Davide e Paola Bergagna Tepas, frari, për la leu coumuna peurtechipasioun ënt eusti sin an d’aministrasioun. Vouzaoutri ou i eu coustruì ëd belisimë famìë, g’en viu naistri Francesco é Nicolò, é ënt l’istes ten ou i eu pourtà aveunti li vostri eumpenh ëd travai é peurtechipà ativameunt a la vita aministrativa. Paola, counsilhera delegaia për l’Unioun Mountana Valadë ëd Leun, Cherounda é Queusternoun, Davidë voulountari ‘dla Proutesioun Chivil. La vostra prezensi é counousensi ‘dla Freusioun Quiavë, Bourgàia Crest, Strà Pas ‘dla Creus, Ca’ Machoun, ou i ont permetù la realizasioun ëd tenti euntervent coume butà ën sicureussi la Vì ‘dlë Valadë, l’eumpiameunt é lou butà ën sicureussi lou sumiteri, la ricoualificasioun doou parquejou rudvant aou Parc ‘dla Pas é ‘dla Rezistensi (eurquiesta faita da Paolo Vottero), lou coulegameunt ‘dla doursala founharia, lou butà ën sicureussi ‘dla ringuera ato lou pouzisiounameunt ëd ‘na baqueca é l’eusfaltadura doou trat final ëd Bourgaia Crest.

Vostrou pari, Giovanni Bregagna Tepas, lou MESSO, ou i eust ourgoulhous ëd vouzaoutri.

Li tinhou ëd co a reungrasì: tuiì lh’ufisi é li tennic quë ënt eusti an ou i ont dounà lou soun countribut për lou rajungimeunt ‘dli rizultà quë Mouneusté ou peut vè tui’ li dì.

Grasie për lou ten, ma più ëd tout për lou COURAJOU, qu’ ou i eu butà aou servisi doou Coumun ëd Mouneusté.

LOU COUNSEUI COUMUNAL

ou pieut at doou ringrasiameunt é ou s’ coungedët ato n’aplaous aou Sindic oushent.

D’eundoua ou t’istà redat lou prezent at

IL CONSIGLIERE ANZIANO

Firmato Digitalmente

BARRA SABRINA