N’aoutrou Coumun s’ uneit a l’Unioun Neusiounal Coumun Coumunità Ent Mountan

Lou Coumun ëd Germanheun ou intret a fà part dl’UNCEM.

N’aoutrou Coumun ou s’eu unì a l’UNCEM. Tenti Coumun ëd lë Valadë ëd Leun ou font part ëd ‘sta Unioun. Ma coza qu’ès-ti ? L’UNCEM, abreviasioun d’ Unioun Neusiounala Coumun Coumunità Ent Mountan, è i eust l’ourganizasioun neusiounala unitaria, prezent ën’ toutë ël realtà rejounalë ato souë delegasioun, quë, da più ëd 60 an ou butët eunsembiou li coumun interameunt o parsialmeunt mountan, ël coumunità mountanë é ëz’ Unioun ëd coumun mountan, ma ëd co asouchant diferentë aministrasioun é Ent (Prouvinsë, counsors, chambrë ëd coumersi) qu’ou travaiount ën mountanhi, për ën basin teritourial pari aou 54% ëd sel neusiounal é eundoua ou istount più ëd 10 milioun d’abiteunt. 

È s’ tratet ëd n’ Unioun verameunt eumportanta perqué è eurcougnuit la mountanhi coumë ‘na rizoueursa nësiounal për ën moudern zvilup doou pais. Di fati è s’ proupount ëd proumouvri ‘na poulitica mountana quë, atravers la përtechipasioun ëd lh’Ent loucal é ëd tui’ li souget poulitic, coultural, ecounomic é souchal, qu’ è vait vers la definisioun é realizasion d’onhi inisiatìva é prouget legizlatìou, prodoutìou  é ëd soulidarietà. Ou i eust ën pieun qu’ ou i eust ën armounìi ato li prinsipi ëd toutela eumbiental, teritorial é chivil, ou butount ël poupoulasioun mountanë ënt ‘oou più grant prouches dë zvilup soustenibil.

Sensa countà quë ‘na foueurma asouchatìa doou gener è garateit la raprezentansi ëd ‘na pluralità ‘dli souget quë, a diferent titoul, ou travaiount soou teritori mountan, për feuvourì në zvilup soustenibil ëd ‘ste aree itëlieunë ënt l’otica doou moutouo sousteunh, foundameuntal për la soupraviveunsi ën mountanhi é dla mountanhi medema. È s’ pountët, couindi, a la velourizasioun ‘dlë spechifiquë realtà mountanë rejounal ënt ‘oou più grant eurcounhusimeunt ‘dlë Aoutounoumìë loucal, proumouveunt onhi pousibil coulegameunt lh’eunters socho-ecounomic, espres dal rispetivë entità teritourial é demougrafiquë è ël linee ëd prougramasioun për lë zvilup socho-ecounomic ‘dla mountanhi, steubilì a livel eouropeo, neusiounal, rejounal é loucal.

Ma, councretameunt, coumë è s’ peut realizà ën prouget si eumbisious?

Pruma ëd tout, è s’ dounët sousteunh é asistensi a tui’ lh’ Ent loucal ënt la leu asioun aministrativa, zvilupaia ënt lë proprië spechifiquë realtà é ënt li raport eunsebiou arz’aoutri souget public é privà. Ma për dounà  n’ ajut real è i eust nechesari ëd co pourtà aveunt ‘na forta  proumousioun ëd toute ël coulabourasioun pousibil eunsembiou a Rejoun, a lh’ourganizm neusiounal é eunternasiounal, eunteresà o couinvolt ënt lou zvilup ‘dla mountanhi.  

COUMUN ËD GERMANHEUN

SITA’ METROPOULITANA ëd TURIN

VERBAL ËD DELIBERASIOUN

DLA JUNTA COUMUNAL N. 3

OUGET: Adezioun a l’Unioun Nësiounal Coumun Coumunità Ent Mountan (UNCEM).

L'an duimilaevintecat a li treunta doou meis ëd geuné arz’eure dizineuou é vintesinc munutë ënt la solita sala d’ërz’aduneunsë, previa l’ouserveunsi ëd toutë ël fourmalità prescritë da la vigent nourmatìva, regoularmeunt counvoucaia, è s’eu riunìa la Junta Coumunal, ënt ël përsounë ëd li Znhour:

Toutal Prezent 3,

Asent 0.

Ou asistët a la seduta lë Znhour DI MONTE Doutour Pietrantonio, Segretari Coumunal coulegà ën videocounferensi.

Lou President eurcounusua legal l’adouneunsi, ou diquiarët duerta la seduta

LA JUNTA COUMUNAL

Veulutà quë l’ UNCEM- Unioun Nësiounal Coumun Coumunità Ent Mountan, eurcounuseunt la mountanhi coumë ‘na rizoueursa nësiounal për ën moudern zvilup doou pais, è s’ proupount ël segouent fineulità stëtutarië:

• La coumpleta atouasioun ëd l’ultim comma ëd l’eurticoul 44 ‘dla Coustitusioun;

• La proumousioun ëd ‘na poulitica mountana quë, atravers la përtechipasioun ëd lh’Ent loucal é ëd tui’ li souget poulitic, coultural, ecounomic é souchal, qu’ è vait vers la definisioun é realizasion d’onhi inisiatìva é prouget legizlatìou, prodoutìou é ëd soulidarietà que, ën armounìi ato li prinsipi ëd toutela eumbiental, teritorial é chivil, ou butount ël poupoulasioun mountanë ënt ‘oou più grant prouches dë zvilup soustenibil rajoungibil a tui’ li livel istitusiounal;

• La raprezentansi ëd la pluralità ‘dli souget quë a diferent titoul ou travaiount soou teritori mountan, për feuvourì lë zvilup soustenibil ëd l’aree mountanë itëlieunë ënt l’otica doou moutouo sousteunh;

• La proumousioun é la realizasioun d’ërcherquë, studi é prougetoualità diret a trouà, për li singoul proublema ëd montanhi, ël soulusioun da sugerì a lh’Ent loucal, al Rejoun, aou Gouvern, aou Parlameunt é a lh’Ourganizm Eouropei;

• Lou sousteunh é l’asistensi a lh’ Ent loucal ënt l’asioun aministrativa zvilupaia ënt lë proprië spechifiquë realtà é ënt li raport eunsebiou arz’aoutri souget public é privà;

• La velourizasioun ‘dlë spechifiquë realtà mountanë rejounal ënt ‘oou più grant eurcounhousimeunt ‘dlë Aoutounoumìë loucalë, proumouveunt onhi pousibil coulegameunt lh’eunters socho-ecounomic, espres dal rispetivë entità teritourial é demougrafiquë è ël linee ëd prougramasioun për lë zvilup socho-ecounomic ‘dla mountanhi, steubilì a livel eouropeo, neusiounal, rejounal é loucal;

• La proumousioun ëd toute ël coulabourasioun pousibil eunsembiou a Rejoun, a lh’ourganizm neusiounal, eouropei é eunternasiounal, eunteresà o couinvolt ënt lou zvilup ‘dla mountanhi.

COUNSIDERÀ lou grant interes doou Coumun eud Germanheun a asouchise a l’UNCEM për lou persegouimeunt ëd lë fineulità steututërië ëd ‘sta asouchasioun é për drouà li servisi é ërz’inisiativë da sitta proumosë, ma ëd co për sustinineun l’ezitensi é la masima funsiouneulità.

PIÌ AT quë lou Counseui Neusiounal UNCEM ou i eu determinà l’entità ‘dla couota d’adezioun ‘dli Coumun ënt la segouent maneri:

• Coumun finha a n° 200 abiteunt, € 100,00 anoual

• Coumun da 2001 a 500 abiteunt, € 150,00 anoual

• Coumun ato più ëd 5001 abiteunt, € 200,00 anoual.

RITENÙ util aderì ën coueulità ëd Socho a l’UNCEM douneunt la couota asouchatìa anoual coumë dzeuri determinaia é pari a Eouro 100,00.

VIÙ lou D.Lgs n. 267/200 «Test Unica ëd lë legi su l’Ourdinameunt ëd lh’Ent Loucal” é ën peurticoulà l’ërt. 270 “Countribut Asouchatìou”qu’ ou dit quë “Li countribut steubilì ato delibera da lh’ourgan steututari ëd l’ANCI, ëd l’UPI, ëd l’ AICCRE, ëd l’UNCEM ëd la CISPEL, d’erz’aoutrë asouchasioun ëd lh’Ent Looucal é ëd lë leu aziendë ato carater neusiounal qu’ ou deuvount estri courispost da lh’Ent asouchìa ou peuvount estri outenù ato rouoli, fourmà a li sens doou D. Lgs. n. 26 fre 1999, n. 46 é afidà a li councesiounari doou servisi neusiounal ëd riscousioun”.

“Lh’Ent asouchìa ou i ont dirit ëd rechedri da rz’asouchasioun entro li 31 outoubër d’onhi an, ato counsegouent escluzioun da li rouoli daou 1° gené ëd l’an souchasìou”.

Acouizì a li sens ëd l’ërt. 49 comma 1 doou D.Lgs. 267/200 é s.m.i:

• Lou parerë ëd regoularità tennica espres daou Respounsabil doou servisi coumpetent;

• Lou parerë ëd regoularità countabil espres daou Respounsabil doou Servisi Fineunsiari ;

Ato voutasioun unanimë meunifestaia ënt ël foueurmë é ënt ël manerë ëd legë

OU DELIBERËT

1. D’aderì, për ël reuzoun dounaië ën premeussi, ën coueulità ëd Socho ëd l’UNIOUN NEUSIOUNALA ËD COUMUN COUMUNITÀENT MOUNTAN (UNCEM);

2. Ëd courispoundri la couota asoutchatìa anoual d’Eouro 100,00;

3. Ëd piì at quë a la riscousioun doou toutal è prouvedët poi UNCEM ricoureunt a la nourmatìva vingent ën materia;

4. Ëd demandà a l’area fineunsiaria li counsegouent adempimeunt countabil.

Ën più ato separaia é unanimë voutasioun ou s’ diquiarët lou prezent prouvedimeunt imediatament ezegouibil për l’urgensi ëd prouvedri ën merit.

Lezù, counfermà é soutouscrit