2-"Ai fait uno alianso oou moun filh përfërà,
ài fait - Tu â dît - oou Davi un juramënt sacrà:
fin a la fin dî tëmp, të sërei sampre arënt,
për te oufrî moun ajut, për soûtënî ta gënt
e për fâ quë toun rennhe e ta gënërasioun
countinùën d'euiro ën peui sout a ma proutësioun".
3-Lî Sèel chantën Toun nom e il anounsiën l'ëncant
dë Taz euvra d'amour a l'asëmbléo dî sant.
Lh'à-lò forsi, ënt â Sèel, quî drét peussie sounjâ
d'aprouchâ Ta valour? Lh'à-lò quî po pënsâ,
â més dë lh'ange qu' soun eiquiaout Te a la viroun,
d'ese coum Tu, ou muzâ d'aguê Ta përfëcsioun?
4-L'ê Tu qu', oou Toun bras fort, Tu doumine la mar,
calme lou tëmpourâl e rënde lou Sèel clar,
Tu qu'â doumà l'Egit e qu', oou Toun bras poutënt,
â eicrâzà Tî nëmîs, lh'à eiboûlià ai cattre vënt,
Tu qu'â creà lou Sèel, la tero e tou' soc lh'à
e quë jugge Ta gënt sëgount grasio e v'rità.
5-Eiroû toutìo quî crei, quî counoui l'ouvasioun
e marcho dint Tâ piâ ën ërsërchant Tî doun,
qu'ën Toun nom s'ërjouî e feto lou bouneur
dë Te aguê sampre ooub él, proutëjà dî maleur;
përqué l'ê ën Tu qu' nouz an, dëbble e pëchit razel,
un sëgur apincalh, ën Tu, Sant d'Israel.
commenta