Fran Levstik es l'aoutour beleou pus empourtant de la literaturo slouveno dal siecle pasà. Tra i sie escrich la pichoto estorio de "Martin Krpan", l'ome tan fort que rezolv i proublemo de l' emperour d'Aoustrio.

L'Asouchasioun culturalo "Soulestrelh" a agù la bono ideo de pariar na tradusioun d'aquelo estorio en lengo ousitano de i Valades, ou miei dedin la parlado de Peiropuorc en aouto Val d'Esturo.

Lou viraje en t'aquelo belo parlado ousitano es ista fach da Esteve Martini. E propri a Peiropuorc lou libre de Martin Querpan, coumo s'es sounà en ousitan, es està prezentà lou sande 26 de setembre. L'estorio es ben enteresanto, lou libre es souanhà coumo chal, propri joli i dizenh a coulour que acoumpanhen lou racount. Ensoumo, en trabai coumo voularian veirene pereise tuchi i journ  en Ousitanio. Per qui fougues enteresà lou libre cousto 18.000 £. e pol decò ese demandà a l'Asouchasioun Ousitanio Vivo.