da "La vous d'la famija valouriana", N.12

La Famija Valouriana, arcounoussend que la prouposta 'd lege que saria stà presentà al Parlament italian 'ntourn a tuch i proublema 'd la minouransa ousitana e 'd la sua lenga l'era 'na cosa que nous truchava 'd cò, que truchava 'd cò 'l noste Pais e la nosta gent a decidu 'd subit pija part a le riuniouns que 's fadien 'n taquel sens e j'a subit 'd cò vourgù firmà, coun 'd j'aoutra assousiassiouns culturals 'd le nosta valada del Piemount, 'l deseign 'd lege que, couma aven giò dich, è stà presentà al gouvern italian 'n tal mes 'd Sant Anna daquest an.

I moutiv 'd la nosta adesioun a sta lege pourrien esse tanti e nin tuch mac per pourtà enan e a l'ounour del mound la nostra manira 'd parlàa ou le nosta vieja tradissiouns.

Bastaria pensò 'n moument a tuch i problema e a toute aquelle cosa que, al giourn d'encoeuve, travajent la nosta gent 'd mountagna, a toute le difficoultà que trouben 'n ti rapport e 'n le riuniouns coun j'amministratour nin mac nasiounal ma 'd cò regiounal e prouvincial, per rendse count qu'anava sercà 'd fàa quarcosa per abè 'l ricounoussiment 'd toute j'amministrasiouns 'd le Stat italian.

Nousautri, da coura 8 ans arrie aven 'ncaminà a srive 'l noste giournalin e a mandalou nin mac ai Valourians ma a tuch i Sindic e le Pro Loco 'd la valada 'd la Stura e a tante d'j'aoutra amministrasiouns 'd la Prouvincia 'd Couni, avien giò decidù 'd scrive 'n toc 'n valourian e sercà 'd parlà di nosti proublema 'n manira que la nosta gent e la gent di pais arramba pijessen pian pian cousiensa que aquella l'era la nosta moda 'd parla e 'd capisse, que aquella, in fin di count, l'era la nosta lenga e que i proublema que sercaven 'd discute l'era i nosti proublema, l'era acò que 'nteressava tuch aquich qu' isten 'ncà 'n le nosta mountagna.

Nous smejava giò alloura que aquella l'era 'n manira couma n'avuta per 'ncamina a parlà 'd la cosa, per fàa 'n manira que la nosta gent s'arcounousses, que pijes cousiensa del propri stat e 'd le difficoultà sempe 'd pì granda qu'eurien countinouà a 'ncountrà se ouguessen nin sercà 'd ragroupasse coun 'd jaoutri, que an même nosti proublema e la nosta lenga, per veire tuch 'nsem 'd pouguè 'd cò fàa valè le nosta rasouns.

La cosa, pourta enan nin mac da nousaoutri ma da toute j'assousiassiouns ousitane del Piemount, e n'camina a esse counoussua 'n paou 'n toute le valada 'd l'ousitania italiana e 'd cò 'n la nosta valada 'd la Stura e pianet pianet quarcosa è chambià 'n paou dapertout 'n tuch i pais.

L'era eura alloura propi l' moument 'd veire l'enteresse 'd la gent, 'd veire se verament la gent 'd le nosta valada nous saria vengua darrie.

L'è pra cò que l'aouta sera, sande 27 'd nouvember passà, aven fach 'na riunioun a Festiouna, coun touta j'aoutra assousiassiouns ousitane que saren drà da fàa per preparà e per presentà 'l diseign 'd lege, per discute la prouposta coun la gent, per sente le lour rasouns a tout a quo que pensaven.

La riunioun è anà 'd pì que ben: aven troubà tanta gent 'd tuch i pais 'd la valada prounta a discute, a chiamà franchament aquo que voulien e quo que pensaven s'ouria pougù fàa coun l'approuvassioun daquelle lege e i benefissi qu'ourien pougù avè i nosti pais e la nostra gent.

La discussioun è stà talment 'nteressanta qu'aven pì pougù drà tant 'd temps al nost amis Dario per sounà e chantà le vieja chansouns di nosti post.

Stou 'nteressament 'd touta aquella gent, toute le discussiouns que soun stà facha aquella sera soun stà per nousaoutri, que sien 'n camin 'd pourtà enan la cosa, 'na grossa counquista e l'è pra cò que countinouaren a fà 'd tout per arribà a fàa approuvà la lege. Countinouaren parech a chiamà l'agiut 'd tuch: daj'ome poulitic 'd tuch i parti italian a tuch aquich que, 'n quarque manira fan part 'd jamministrassioun; da jaoutra minouransa italiana a tuch i counsech 'd le Coumunità e di Coumun 'd le nosta valada.