Pa toudzourn lou viols
semenô
dë routsillha
i ménon din lë dezert
afroû
d'la languizoun.
Lou brô
dzeneroû
d' mâ mountannha
i gandon la balme
qu'abricòve mou vèi
e la douse tsansoun
d'lâ sounallha d'la vatserìa
ibouliô
din lë bê valoun.
Fai silenshoû
d' tranquilità e d' pé
porton â cör d' l'omme
une tsansoun
qu' s' fai prìëre
e aigue preshouze d' fountòne
per l'òme
qu' tsartse une belua d'lumìëre...