Enquèu
lou batsô ï soun vèu,
soulée e abandounô
su la plasètte
dë la pëchotte bourdzô...
La duse pise sens fin
l'aigue dzalô
d'la mountagne
que së pert â pê d'une Crou,
din lâ lavôsa e lë crisoun...
Ma lâ vou
d'un dzourn trò lest finì
ï vénon dront a tsì souvèn
lâ ferma pliô
su lâ lavouira d' boc
beq il ensavounôvon lou linsols
frécs dë buô
e ï bartavëlôvon pëchotta tsoza
dë tu lou dzours:
a l'aviroun, l'ére tout un tsamaric
que së perdìa
din louz icarcai dâ velh batsô...