Dansé, giovo, dansé

vòstra bela corenta 'd primavera,

l'é bel vëd-ve dansé

al sol che a scaoda ancora

l'amor che a l'é mai mòrt.

Dansé

riènd, cantand, për man,

e con ij brass duvert fé na cadèna

tant longa da 'mbrassé l'umanità

e le fòrse dël mal a podran pa

tocheve.

Vojautri iv pòrte adòss na gran fortun-a:

la gòui ëd vive

e 'n cheur bin generos

se av lassa chërde ancora

a l'ideal

che a dev porté 'l boneur

a coi che a seufro

A j'a tri che an passà

cored-je apress ai vostri stessi seugn

l'han vist

tante stagion 'd maleur

la vòstr dansa

a porterà

ël sofi 'd primavera dla speransa.