VAL CLUZON- Quatre coulturoQuatre Coumunes de la Val Cluzon, PRAJALA, USSEAUX, FENESTRELLO e ROURE se soun jounch, per se aministrar bèn e gardar sa lengo e si tradicioun.

   Dins li escoles se moustraré la lengo prouvençalo e se trataren en prouvençau li question de vido loucalo, la coulturo loucalo, l'estorio loucalo. Li joùe ( e li joùines chatounes en primo, malurousament) an ounto de s'abiha abou lou jòli coustume di reire:  e bèn, la Coumuno passarè un oumage a li novies que se mariharèn abou lou gentoun e linde coustume di maires.

   «Encha tirar l'atencioun di gent sus li questioun di Minourances lenguistiques: la nosto en particular, qu'es l'ereitage de la grando  lirìco di troubaire»: acò an afirma li gent de la val Cluzon.

   Lou libre de Remi Bermond,  «Pancouta e Broussee», justo pareissu d'aquisti temps, es un eissage di poussibleta de la  lengo prouvençalo e de soun eficaço dins l'usage escoular.

   Dins aquisti reviéure de lengo se entend lou ressoun luegn de la vous de Luchet Gatteluz, de Bartroumè Zorzi, de Sordèl da Goitz e dis autri troubaire, que d'aquesto man dis Aup soun esta li maestre de nosto literaturo. Li provençau de Cluzon an pa oublida aquelo vous.

   VAL SUSO - Un'autro bono novo. A LA NOUVALESO, à partir de l'11 de genìe, se mosto lou franco-prouvençau (l'auto val de Suso, cant de nord, es de parladuro franco-prouvençalo). Pa prou: l'apprendiment de la lengo di reire sarè oubligatori. E intrarè ben vite dins l'Escolo Medio de Suso.

   Lou merìte d'acò n'en vai al prouf Giuseppe Ferraro, qu'es està  l'amo de l'ideio e l'a pourta à boun fin, en parlant à drecho e à gaucho à li gent de la valado, fin tant que s'es fach escoutar.

   Sus lou plan uficial lou primìe pas courajous es esta fach dal prouf.Angelo Ainardi, Direitour Didati de Suso, ome sensible al pouder fourmatìou de la parlado, que, souleto,  pol rende l'ome coumplet, estent que l'ajudo à retroubar li reis founses dal passa e a cercar abou amour e reflecioun lou sìou mounde.

   Sen agradivament estouna d'acò que se fai dins li valades Ciuzon e Suso: acò es de boun travai per lou terraire,  e justo draio que meno a retroubar lou noste mounde e lou noste avenir.

   A li Sendi temerous e jala de quarque autes valades proupausén a eisempi la decisioun franco e enteligento d'aqueste Coumunes de Cluson e Suso.