Fraire e frairét de Coumboscuro,

   toute i  vinque que pién la pumo ai man per vous escrive, voularìen divou bèn prou de cose, perque gardén per vous i recort de la nosto pichoto vito d'ici chapuéi. D'acò qu'es aruba d'en derrièro, oublidén pa la bello vesprado qu'i s'es passa al Chastel dal Prenci, à Foussan, per lou Prémi dal Councours de Pouesìo "Brut e Bon". Avén gagna lou prémi per lou patois e sén ana chabal tuchi alegre, vesti en coustume...

   Sén monta su sal palq, à dir i nuèste pouesìe denan de tout lou mounde. Eren bèn esmougu e souvent la vous nou-mancavo.

   Aval avén trouba lou béu musicaire de l'Escolo dòu Po, fraire Edver, vengu de Turin per véi-nou: sempre countent e grinous, que eslarjavo i brass tant qu'al pouìho per nous embrassàr, e al feniho pus de nous gabbàr, coumo se lou prémi l'auguesse gagna quel. E i'éro decò Barbo Toni Boudrìe, lou "béu poéto", qu'avén jo estudia prou de soùe pouésìe e i n'a d'aquele bèn linde, que tchi i coumprénen e i piàsen, belle i pu pichot.

Es ista na magnifico serado!

   Lou 29 d'avoust, quouro i saré lou SEST RESCOUNTRE PIEMOUNT-PROUVENCO, en Val Souàno,

nous i'anarén decò e vousiauti fé lou poussible de venìr: perque aqueste soun i feste que nous joùgnen sempre de pus o nous fan sénte fraire. Esperén de veire decò la nosto Gento Réino Viveto. Es jo passa n'an que l'avén visto la primièro vinco ici, à Sancto Lucìo, e la recourdén sempre. Pensén e recourdén tuchi i nuésti amis e fraire e mandén à tuchi i nuésti salut grinous, entrementìe que attendén de nous troubàr de segur en Val Souano per la festo di patoisants e de i'amis de la bello lengo di noste valade.

I'escoulàn de Sancto Lucìo