Isì, su l' co' d' Sitrìëre,
dë dzourn Diou al ée pasà
e â s'ée plantà...
D' bella mountannha l' col
al à envirounà
e une belle forê d' bletoûn
al à plantà
e pèi d'aieddra, d' dzenebbri
e d' brousée...
S'ou tsartsà
un aroiunt d' prô
pr'arpouzô
cant ou sà squentà
isì oul troubà...
Tout iquèn
d'sou un be sìël seren,
un p'chò paradî
qu' lë Boun Diou nouz à dounà...
Su qui col, un dzourn,
un omme â s'ée d'cò plantà:
al ere ben fatigà
e plen d' fastùddi... Din la plòne,
une fabriqque al avìa mountà
e un baroun d' mizere
al avìa tsavà.
S'argardent a l'aviroun
d' so qu'al à vit
al éez ità paià...
Be qu' l'ölh s' pouzòve
s' lou prô e lou devée,
lönh, a l'avenî, al à pensà:
din sa tete, d' vizhoûn
pèi un souime s'ée fourmà.
Lë destin dâ be col
éez ità vitte desidà!...
Doua tours, c'mà doua sentinella,
s' la gron plòse,
su lou brics dlâ mountannha
d' corda d' fer
soun itô vittou timbrô
per rablô
amount e avòl lou vagoûn ç
perqué la dzent pougée
anô icarushô...
Une belle glèize, dount l' non
d' soun filh ée ounourà,
al à fait d'cò batî
qué toù l' mounde pouguée priô
e l' Boun Diou armarshô.
Oh, dzent d' notre paî
baizà la tère qu'à vit lâ piô
dë qu' l'omme,
pël travòlh qu'al à dounà
e l' bien etre qu'al à pourtà.
E cant d'outönh tart
la ven néou a palô
plihèn tuts lë dzenoulh
pr'armarshô:
ancô un vieddze, lë pon
nou manquerè pô!...