Siou retourna chapuo i viol

'd la mountagno...

Ai poulidi la vio dei menóu

da bloc e branches,

mounta laousieres lava da l'aigo,

pista la baoucho,

desreisa la toro

que se eslarjo ilamoun,

enté la terro

counouissio i prufum

d'ista sperchasseouses,

ma la mio man da piatoun

-asisa dai mie an de gariouno-

a pa çerca i asaire

'ntes carsieres des serp...

...E tu eres aqui,

'dlai les boines 'd la marieso,

'n t'un temp que roubo niente,

al mes de pra

dubert e poulit.

'Nt'al garp des toues man

me paraves la sé

abou l'aigo frescho

dal foste beal,

arliquio d'un toc de vido.

La touo caresso de paire

calmavo la peno

mai dicho a degun de orfano

d'aquisti mie derier

douse an.