(...)

4° ongel: Marìo i es està groso de l'Espirit Sont

5° ongel: Soun espous Juzèp, qu'ero na persouno justo, ai voulìo pa  la refuzar, al avìo pensà de lafar parte d'estremà

6°ongel: Al ero just en trenc de pensar isò couro n'ongel dei Boun Dìou i a dich:

7° ongel: Juzèp, fi de Davi,  àies pa crento de te mariar embè Marìo perquè dedin soun ventre i à lou fruch de l'Espirit Sont e s'an aqueste fi tu dounarès lou nom de Gezù - ai salvarè lou mounde dai mal-

8° ongel: D' estremà Juzèp avìo fach coumo l'ongel avìo dich

9° ongel:Al avìo pres embè el sa fremo e i eroun anà a Betlem per lou censiment

(se tùo lou quiàr sus li ongels e se revivo sus Juzèp e la Madono que marchoun embè l'aze)

Juzèp: A sabou que trebules, la fai jo très jours que chaminèn sus aquesti viol

Marìo: Faite pa de sousì, vas veire que troubarèn la maniero, sen 'scazi aribà...

Juzèp: Que de mounde, isì!

Muzico (se tùo lou quiar e se revivo sus li ongels)

1° ongel: Lou Mestre dei mounde es nisù paoure, desout na balmo

2° ongel:Marìo e Juzèp i on pres lou pichot, i l'on lavà, i l'on enfisà e i l'on butà di na crupio

ongels en cor: Glorio ai Boun Dìou din lou pu aout dei siel e pas e festo a i ome sus aquesto tero

3° ongel: Venè tuchi, es nisù Gezù Crist, aquel que salvarè lou mounde!

Musico

1° pastre: Es nisù lou rei dai Res e nous venen l'adourar.

1° pastouro: Mi siou Dando Marieto de l'Ibac, e aquesto semano siou anà a la Bandìo far de bosc, ai pensà de pourtar a Gezù pichot li escaiot pu joliper l'isoudar... E te demondou pas, perquè pas es vuèio de vioure coumo de fraires dedin noste pais.

2° pastouro: Mi a siou Dondo Beleto, la sartouro de La Chanal, a n'i ai couzù de vestes! me siou frustà i uèi a couze ai quiar dei lume, ai encà couzù acò per tu - A te demondou pas perquè pas es la vuèio de quitar de far guero.

2° pastre: Ioù a siou Piere D'Ano, lou pastre dei Quio de Vaserot, a te dounou aquesto cano - i m' à ben ajuà din moun travai! A te demondou la pas perquè tuchi pùeisoun dire so que pensoun

3° pastouro: Ioù a vaou per mizouns a vende de toundins e de boutouns - A te dounou en toundin perquè tu puèises te nourir - A te demondou la pas perquè pas vol dire far festa tuchi ensemo.

3° pastre: A siou Matiou, lou pastre dei Jachet, a menou da l'Ibach na chabro perquè soun lach chaout te nourise - A te demondou pas perquè pas es libertà.

4° pastouro: Mi a siou Lena Bastianino, ai fila touto la nuech per far aqueste grumisel de lano nero - A te demondou pas perquè pas es serenità.

5° pastouro: Ioù a siou Munito Besouno de la Court dai Babaou, embè la lano que a filà ma maire a tricoutèou en parèi de chaouses pichotes per tu - A te demondou pas perquè pas es justisio.

6° pastouro: Embè lou telier de Dondo Catalino la sopo ai teisù de couriots per tour cros.

4° pastre: Mi a venou de Rabious, a vous portou en boutalin d'aigo que aribo de l' Alevè - Vous demondou pas perquè pas es la vuèio de s'amuzar tuchi ensemo (...).