Siou tournà a far lou pastre apres de vintadùei an ja perqué mi siou sempre sta stachà a sta vita: ja mac lou fatou que viajavou d'eisì a lens per lou trabai tuche i journ e me siou mai fermà eilaval es propi per la pasìan que avìou, que me tenìa stachà a les béstias, al pais, al trabai dei miou, na caouza que ai sempre pourtà dedin.

   Mi ai en paou de vàchas e veou que la vacha paragounà a la fea rendarìa tan de mai, ma coura se parla en famìia de dechidre de vendre les féas es pe fouort de mi, i aribou ren. De viàges coura anen a les riunìans dei coltivatori la chamou na pasìan, ma mai que na pasìan, es propri na malatìa l'ese dapé a stas béstias que a la .fin soun de béstias ridìcoulas, ma beléou es perqué siou naisù parìer.