A Pinarol l'agl' à ël marcià tu lu sandi e, per l'ukaziun, la gent dla valadde i desent per fä sa dépensa grosa.

Dande Antuanette i l'aviò ün garsun pagaire dégurdì k'a l'ère giamai anà da Fenêtrella a Pinarol da sulét, ma la ventäve bèn k'a kumensesse dko él, demun! A l'aviò kazi vint'ans.

-Ët prenni la diligense ëd Bert fin a Péiruze, pèu ël tramväi e t'aribbi a Pinarol. Ët fäi la dépensa e ët turni arèire dla méme fasun. Vai bèn?

-Vai bèn mamà, îtè trankile.

Pulentin a l'aribbe a Pinarol, a l'acette suk a l'à bezugn, ma an trantaglient su lu porti e an ciaciarent bu isét e bu ikél, an aribent an pläse ël tramväi l'è giò partì... e a l'é ël darié!

Ke fä? Pulentin as ciarge sa robbe e a prèn ël ciamin a pè. A l'aribbe a mézun apré ménèut e la pôr Antuanette i l'è giò din lu grò fastüddi.

Ël disande apré, Pulentin a vò turne anä a Pinarol e sa maire al laise partì bu mile rakumandasiun.

-Ciagrinau pä, mamà, la kapitte pamai. - A prèn ün demèi pan, üne sausisse e a pärt.

A Pinarol, an pläse Cavour, a desent e as asette sla prümiére bance k'a vé e a l'armire la gent e la cioza. Vèr méigiurn a minge ün bukun e, bèn elungià sla bance, as andörm ün pauk. Kant k'as arvègle a kuntemple la cioza e la gent.

A la bassure ël tramväi a l'é prest a partì per Péiruze: Pulentin a munte e, vient Lüizin k'a l'ere vengü dko él a marcià, as asette dapè, tu sudisfait.

-Ah! Isé viegge a l'é anà bèn. Baste ëd perdre ël tramväi e dughé fä la viò a pè d'isì a Fenêtrella. Oh!

-T'a bèn razun, Pulentin, ma ta kumisiun ënt i siuni?

-Ah! Ciagrinau pä, barbu Lüizin! La kumisiun? Ikella, la fauk disande ke vèn.