M'agrades pichoto ruà

que t'ài visto fiourento,

vìvo de vous e d'alegrìo.

Véite desabità da tanti ann

que de malicounio da moun cor regourgo

bicant i caséi que cheioun

d'enté i sahi pa lou pi pichot tapage,

mac lou mourmouriar d'la font,

coumo na carésso

jougn a rènde aquél silènci ménc doulourous.

Se sentoun pus i chant

que empìoun d'armounìo

e gnanco lou parloutiar lou séro

d'la gént que fan la veià

ou lou dindouniar de na cuno.

Lou vìei fourn

recourdo en proufumà pan d'sèi,

l'antico chapèllo

es mac counfourtà da en bòssou sarvage

creissù dacant a la muraio.

Lou post d'la chouliero

es quatà d'ourtìe

e belo la grio

ent'al tèmp s'es desblà.

L'argal d'la vito es despareissù

ma sèmpre me resteres

ent'i ùei e ent'al cor

e soun isi a recourdate.