Son Jonn nou tup i quiàr e pouhén çièrne:

belière arluri fiour di quiàr luzèrne;

i parpaioun e i àiguie a la grinour

tréien sar lièch de l'àire

biò, mai biò sus, cubèrto z'é l'alour

e soun jò pàire e màire;

i randouline von fasse bountiàa

e l'àoure s'i bountéo e rebountéo

coume fai en crestian quouro souféo

a 'n sont vivent que volo a siò mistàa;

tu, àigo, vai a biourà lou bachàs

e fas en çèl e sas açò que fas:

l'esquelenço di çél gandìs la tèro

nièro de ghèro e tu chòntes, alèro;

de bounouro Rouquìn a dondo Dràio

fai la graio bou la rouzìno jàio,

dondo an aquél avòçi di: - Fai tàite

se vos pa 'ncà' que masco Nuèch t'enmàite »;

i alère tréien en te l'àigo quiàro

a 'nfounzasse la gnigno uno bou l'àouto,

a piasse i velle e tout lou bial bafaro

findi que tubbo e la grinour s'eschàoudo;

la jòlio parpaiolo parpo e volo,

cour la courriòlo findi que pol coure,

lou brassobouosq embrasso fràire roure

e pàire mai à coungrià i maiòle;

l'alèro Primo à jò stremà i rouhèite,

denòn quiàre 'ntra i bronche e lou pouhìn,

darìe de 'n'esquintoun de brounde vérde,

stremà 'ma i ùou ar ni.