Quouro sarèi jò luègn, fasè na rigoulado

bou tucchi i chivaliè e abà de l'Abahìo,

musìcco musicòroum, tambourn, pinfre, subiòol,

corn, frounfroun, councounàie, charamelle, 'scarlìn,

toutte i chançoùn pus viéie, pus jàie de la Val

e tucchi i estandàrt di escartoùn e de Fràisse.

Ai l'estandàrt de Fràisse (la courouno vouloùiro

soubbre dal fràisse vért, en te l'escù d'argent)

couloubréhe boui àoure, i alère e i sarvanòt,

fermouléhe e trenisse se mioù cros founs de tèro

ar souléi e ai estéle, sout grinour verde e biònque.