I çe d'istà de gronde randouline

a Randoulière, a Roccho Randoulièro

treiàven a uchàa, a mounne-mounne;

nous fasiàn coum'aquelle e boclaià

savìàn pa pus, eriàn de randoulìne.

Per derveiànnou nou voulàven 't'i ouèi,

(per eschafiànnou?) ou i crihìn de fenèste:

i avìen pa traverçà, vihiàn encàa...

ampe, àidre, maiòle, mourre, çettou

chabraboùq, la cròio di marende.

Vihìan encaa per faa l'àrbou fourchù,

lou delejeritìv, lou goi di fihe,

mè que pouhìen pa fàrou, mèq boucàrou

e pupasse lou dé, grignàa darìe

di dé ounguiù e 'mbrincasse la nàrio.

Aprè que goi a vèire e pa pouhée

lachàa: n'ero de màire, unno per ùis,

s'i banche, a pouçàs foro, e ne bialàven

dui ençèm. Òouro acò z'é pa pus jòli,

mè noste vacche àn pa 'nca' la chamiso.

I dui ençèm quitàven, devisàven:

«Prou, cioù jò lach e toummo, e càiou 'n son

e 'n souègn ».