Siouc uno picitto bèstietto de setto tèro,
ma un velh prouvèrbi â di coumà l'èro:
"L'ee toujourn melh un picit e boun
que un grant, groo e couioun!"

Al èro proppi pancâ naisù San Benedet
cant mì aviouc jò adoutà soun precet:
"Priâ e travalhâ" l'ee, per noû aböllha,
coumà per lâ planta, lâ flour e lâ föllha!

Maz ala lâ battan vitte e lâ fan rumour
elevant journalment ma prièro ai Creatour,
cant la .fai bèl, da uno a l'autro flour
lou meèl presioû cöllhou bou nouvèl ardour!

Lou meèl, que de tutti lh'aliment
l'ee lou pi dous e lou pi nutrient,
â fai de ben a la sandà e a lh'ansian
ma, sigur, â plai encâ pi a lh'anfan!

Uno souletto chozo souportou proppi pâ:
da que prepoutent d'omme èse maltratâ!
Ma cant la capitto, mancou pâ de me venjâ,
uno picuro èic prèsto per lou fâ enflâ!