Ese paure de vellho de s'arvenjâ...
èse ricce de vellho de perdounâ..
volguee ben a noutre paî, a noutro gent,
senso a nun deguee o pretendre ren!

Ese paure de vellho de oudiâ...
èse ricce de vellho de amâ...
portâ uno parollo de counfort e d'amour
ei fraire que dint soun leit souporto sî doulour.

Ese paure de vellho de la robbo de lh'autri...
èse ricce de vellho de dounâ un pauc de "Seou" a lh'autri...
counfourtâ bou un gèst, uno parollo, un sourire
qui ee velh, plen de soufranso, ma bou bieen vellho de vioure.

Ese paure de vellho de vioure da prepoutent...
èse ricce de vellho de vioure da omme bou noutro gent..
fâ noutre lou gran coumandament de l'umiltà
en mantenent noutro sageso e noutro dinhità.

Ese ricce de vellho de dounâ uno man
a qui se trobbo dint la mauto, spiritualment parlant...
èse paure de vellho de criticâ e, mouralment, tuâ
qui, per sa deigrasio, din la lebbro al ee anà se fourâ.

Ese paure, se acoutentâ de quee pauc que un a realizà,
èse countent, öroû da la famillho que un a...
zamé s'eisubliâ , denant que anâ se coujâ
de s'adreisâ a "Quel" que tout pò perdounâ!

A se countento de pagaire, al ee mizericourdioû...
â lei dint noutre cör, â lei e â sau se al ee couitoû...
segurament al ee öroû quel eilai que sabìo pâ priâ...
â dizìo: "Boun Diou perdounà votro bèstio que vai se coujâ"!