La neo a tout blancì e foro dei teit
la countuno a fâ bieen, bieen freit;
da l' eicolo sortan de coursio lî meinâ,
î pensan jò a s'anâ eicarusâ
e vìo, bou lî liot o bou lî sì,
proppi coumà un troupèl de chabrì!

Lâ fenna plantan eiquì de tacounâ,
lâ van a la granjo prenne lâ cröpiâ;
lâ vaccha a la cröppio lâ sentan lou flà,
uno groundo e l'autro a jò cornà,
en trampinhant â dìan: douno-me malhâ,
pöi, plan, planet, me lèiserèi blechâ!

Lî pensiounà e meme lî pì velhot
î plantan eiquì sî bèlli travalhot
e, proppi coumà la li fousse coumandà,
î s'arjounnhan a l'ostou de barbou Toumà;
la baasouro, coumà toujourn, il ee aribâ
e, coumà de coudummo, a treesèt vento jouâ!

Batistot al a pâ-nun a sa meizoun
e al ee jò setà dint soun cantoun;
da uno taulo a l'autro a se tramìo
portant aprèe soun veire e sa linsìo!
El, bieen educatament, al armersìo
sentent demens, de la solituddo, la noustaljio.

L'ouro de sino î vai aribâ
e tutti, plan planet, î van se n'anâ;
Batistot que al a pâ-nun a sa meizoun,
â tourno, plan plan, dint soun cantoun.
Dando Dolinda, uno eicouèlo de menetro
î li porto, a sa taulo, decaire la fenetro...