franco-provenzale

A le fere e aj mercheĕ gross änsema a le nutisse ämpurtante e aj avenimeint capite ant j pais j “cantastorie” a purtavän le cunte. Custa a l’ĕ la storia ch’a cuntavän a la fera da stëimbër.

"Cùgnet"

Cùgnet l’era an bel fulët, cit cit e tant svicio. A vivija an tal passage suta tera ca culegava la tur dal Tlèr (al Casstlas) a la Ferranda.

Dal dì a javia sempre quiei cos d’ùtil da far: a pulia, a ramassava e andasia a cojer nus e castagne, cinese o frole, secunt la stagiun.

Ogni tänt as rëmpiava su par la tur dal Castlas e quänt che a rivava an la punta al so coeur a batija fort fort e chiël as sentija an gigänt.

Al so travaij pi ampurtant ancumensava quant ch’a gnisia neut. A duvia purtar i seugn pi beij ai cit. A calava a Punt, sparsia la puër magica ca tëgnia an tal so sachët e ij cit a s’andrumiën.

Perŏ a l’era nin cuntënt. A pënsava sempre a Rosetta, na bela fija dal pais e a sùgnava d’essër an bel giuvnot.

Chiel a savia che se a-javëisso ciamàa a sua madrina la Faija at falo divënrar an bel giuvnot, forse a l’avriss contëintàa, ma peu chi che as sariss anteressăa dij seugn dij cit?

Ij an a passavän e an bel dì a jè sucedùu queicos at neuf: an tle cà ad la gëint a j’è rivàa na droleria mai vista: na scatula cun drinta at gëint cita cita ch’a balava e a cäntava.

Cùgnet a savia pi nin quĕe disne. I cit a vardavän drinta cula scatola e an pòo par vota a s’andrumiën. A ja cumëinsàa a peinsar che forse a servija pì.

Cùgnet alura a ja decidùu at ciamaje a sua madrina la Faja at cunteintalo e at falo aggnir n’omo d’la stessa etāa at Rosetta. E parëj a l’è stèt e a se truvāa veciot a la funtana.

Lì a jera prope Rosetta e a l’ha pia par män. Chila aa ja fet na carëssa, cuntëinta d’aveilo spetta fina ant l’ura e da cul mumënt li a sen vivìu ansima ancur per tänte bej an.