CHIESE, CHIESETTE E CAPPELLE DI PONT CANAVESE

A Pont Canavëis a-j sen diverse gesiëtte, tänte a sen dedichèe a la Madonna, l’aute änvece a riciordan i Sänt. Le gesiëtte a sen tenùe a post da la gënt dla frassiun e as fa la festa na vota l’an. An tänte cappellee as s’è cunservaa la tradisiun dij “priur”, cubie, famije o giuvän ch’a preparän la festa.: pulissia dla cappella, fiur, uferte disnar…, an aute a l’è tutta la frassiun a dase da far. Fina a diverse an fa la festa l’era preparaa cun la nuvëina. Al di dla festa as disìa mëssa e as fasìa la prucesiun a la matin e i Vesp al dop-mesdì.

Dopo la mëssa as-vëndiän i “masulin” at fiur, al pän dla carità e as fasìa “l’incant” ch’a serviän a cojër sold da dovrar par ÿ travaj n’tla capella.

I priur quech vota a pagavän co n’orchestrina che dopo i Vesp a sunava: la gëint a pudìa far quat saut an t’an pràa.

An quech frassiun al dop-mesdì as giuvava a bocce e vers seira, magara dopo queich bùcel ad vin, as fasìe al gjeu dla murra o as cäntavän le cansun dij alpin. A Pont a-j sen pi ad 17 tra gesie, gesiette e capelle.

CHIESA DI SAN FRANCESCO- PONT CENTRO

Gesia d’San Fransësch

As trova an centro ad Pont.

A la fin dal 1500 lì a-j era an furn da pän ch’a l’è stèt vëndu a na confraternita ad frèe d’San Fransësch ch’a vuliän far na gesia e an cunvëint par aiutar la tänta gëint povra ad Punt.

Adess al cunvëint a-j è pì e nt’la gesia, ch’a –j a na sola navaa, as dis mëssa a la sëira.

CHIESA DI SANTA MARIA- BORGATA SANTA MARIA

Gesia at Santa Maria- Burgaaa Santa Maria

As trova a mes’ura ad salita dal centro ad Punt, sla straa ch’a va a Frasinèt, ansìma na deirinna. Fina al 1879 a l’era la paròcchìa ad Punt. La storia a cunta che a-j era già an t’l’an 1000 e ch’a l’è stèta la prima gesia dle Vaj Orco e Suana e ùna dle prime dal Nord Italia dedichee a la Madonna.

CHIESETTA DI SANT’ANNA- BORGATA OLTRESOANA

Gesiëtta d’Sant’Anna

As Trova an Trasuana, na borgaa ad Punt, a sinistra d’la riän Suana. La gesiëtta a l’è dal 1697 e a l’è stèta rängiaa diverse vote. Ondess a –j a an ciucher cun l’orologio e an bel “mosaico” ansima la porta. Drinta a-j e an bel quadër ad Sant’Anna cun le Madonna ancura cita. La festa as fa la duminica pi visin al 26 ad lugn. A la vigilia as fa an cuncert d’musica e al dì dla festa a-j éla prucesiun par ÿ a strèe dla burgaa.

CHIESA DI SAN DOMENICO E SANT’ANTONIO- BORGATA DOBLAZIO

Gesiëtta d’San Duminic e Sant’Antone da Padua- Burgaa Dubias

A l’è na capella dal 1600.

Sal ciucher a-j sen due meridiane. As trova a Dubias, burgaa al fund at Punt, dopo la stasiun. Na vota la festa d’Sant Antone as fasìa a la metà ad giugn e a dùrava tre dì con al bal a palchët. Adess as festeggia Sant’Antone e San Duminic ansema e as bùtän ad capanun par mangiar sëina e par balar.

CHIESETTA DI SAN GENNARO- BORGATA PIAN RASTELLO

Capella d’San Genuare – Burgaa Piänrastel

La capella a l’è stèta fèta an prinsipe dal 1600 e cosa strana a l’è dedicaa a San Genuare, än sänt at Benevëint.

A pölen essie dùi mutif:

• a l’è stèt an veu d’än suldaa napuletan che, chëit da caval a s’era nin fèt niènte;

• la devusiun a San Genuare a l’è stèta purtaa dai suldèe napuletan, aurelèe da l’esercit spagnòl ai tëimp ad Francesco I e a Carlo V, ch’a-j aviän nin ciapaa la pest dal 1630.

Data che la gesiëtta a l’è dedicaa anche a San Giuan Batista, la festa as fa vers al 24 ad giùgn e a dura tre dì, con gieu par i cit, cuncert, baÿ e sëine an t’al capanun.

CHIESETTA DELLE ROGGIE- BORGATA ROGGIE

Gesiëtta dla Madonna dla neve – Burgaa Ruse

Na vota an cul cantun lì a –j eran tante ruse e ariän . L’eva a servìa par bagnar ij ort. La capella as trova suta al « Castrum Thelarii » e a l’é stèta rangiaa an t’al 1700. Drinta a-j è na pitura dal 1489, dla Madonna cun Gesù cit. Al 5 agust as fa la festa. Na vota a la fin dla mëssa as fasia la prucesiun, l’incänt e al disnar.

CAPPELLA DELL’ORCO- BORGATA FONPONT

Cappella ad l’Orco- Burgaa Fundpunt

A l’è dedicaa a la Madonna Adoloraa. A l’è stèta fèta an t’al 1700 par invucar la prutesiun dla Madonna cuntra le bùre dl’Orco.

La festa a l’è al 15 stëmbër; na vota as fasian anche i feu a la tur, as bùtava al bal an piassa e la banda a fasìa al cuncèrt.

CAPPELLA DELLA MADONNA DEGLI ANGELI- FRAZIONE BAUSANO

Capella dla Madonna dij Angëij – Frassiun Bausän

La capella a l’è distänt da le cad la frassuin, sla straa par Runc. A l’è dedicaa a la Madonna dij Angëij e a San Giusef. Drinta, drer da l’autern, a –j è na pitura dal 1519. La festa as fa la duminica pí visin-a al 19 at mars.

CAPPELLA DELLA MADONNA DELLA NEVE- FRAZIONE CONFIGLIÉ

Capella d’la “Madonna della Neve”- Frassiun Configlié

A-s trova par la straa dla Valsuana; an na frassiun ch’a s’as ciama Configlié e che na vota a l’era famuse par le cave del marmo.

La capella al’è una dle pi veje dla Paròcchia. Al ciucher a l’è an mes al chè, luntan da la gesia. La festa as fa la duminica pì visin al 5 agust.

CAPPELLA DELLA MADONNA CONSOLATA- FRAZIONE DEIR BIANCO

Capella dla Madonna Cunsulaa – Frassiun Dëir Biänc

La capella a l’è ansima a na strapiumb e a l’è stéta fèta vers al 1650. Par rivaje a vëinta rampignase a pee su par ‘n drit sëinter ca part dai prèe d’la fera. An tal 1800 a l’è stèta dedicaa a la Madonna Cunsulaa e la festa a l’è al 20 ad giugn. La gesiëtta a l’è steta rangiaa an tal 1878 e ancura adess ij poche abitant estif dla frassiun as curan ad tëignla an urdin.

CAPPELLA DI SANTA MARIA MADDALENA – FRAZIONE NICOLÉ

Capella d’Santa Maria Madlëina e at Visitasiun- Frassiun Miculèe

As trova an t’an post isulaa e par rivaje a vëinta muntar su par na mùlatera. A l’é cugnisùa me la « capéla d’la Madleina » anche se a l’é stèta dedicaa a la Visitasiun, forse parchè ansima l’autern a –j e an vej quadër ch’a ricorda la visita d’la Madonna a sua cusina. La festa a l’è al 2 at lugn.

CAPPELLA DELLA SANTISSIMA TRINITÀ – FRAZIONE RAIE

Gesiëtta d’la Santissima Trinità e at San Firmin- Frassiun Raie

a-s trova an na frassiun a snistra dal Suana su par la muntagna. A l’è stèta fèta ansìma an gros roc an tal 1700 e a l’è stèta rangiaa an tal 1990. As festeggia la s.S. Trinitaa a la fin at magg e S.Firmin a la metà da stëimber.

CAPPELLA DELLA SANTISSIMA TRINITÀ – FRAZIONE BOETTI

Cappella dla Santissima Trinità – Frassiun Buèt.

La capella ch’a –j è adess a l’e dal 1907; a na sostituis una tant pi veja, dal 1669. Al fianc dla gesia a-j è la sagrestìa e fina al 1975 a-j era anche la scola.

An tla capella as fän tre feste: la SS. Trinità, Santa Chiara l’11 agust e Sant’Ombrono a l’inisse d’utuber. d’istaa as dis mëssa na vota la smana.

CAPPELLA DI SAN ROCCO- FRAZIONE MONTPONT

Cappella d’San Roc – Burgaa Muntpunt

A l’è stèta fèta an tal 1630 e as trova ai pee dl’Arbella, na muntagna ansima a Punt, auta 1000 metër. La gesiëtta a l’ē dedicaa a San Roc. La festa as fa al 16 d’agust e a l’è l’ucasiun par la gëint dla burgaa ad ritruvase anche cun chi a l’è andet a star via. Fina al 1900 a j era an caplön cha fasìa anche al maestra dla scola elementar.

CAPPELLA DELLA MADONNA IMMACOLATA – FRAZIONE PIANCERESE

Capella d’ San Bernard e d’ Immacolata – Frassiun Piäncerese

A l’è del 1680 e as trova an na frasiun ancura abitaa a 900 metër d’autëssa, sla muntagna vers Spaun. As fan due feste: una la duminica dopo mesost par ricurdar San Bernard e l’autra l’8 da dzëimbër.

CAPPELLA DELLA MADONNA DELLE NEVE- FRAZIONE FORMIERO

Cappella dedicaa a la Madonna dla Neve e a la Santa Crus – Frassiun Formièr.

As trova an na cita frassiun a dritta ad l’Orco. A l’è stèta fèta a la fin del 1500. Al caplän a l’era anche al maestro dla scola. La festa as fa al 14 stëimbër.

CAPPELLA DI SAN ROCCO- FRAZIONE FAIALLO

Capella d’ San Roc – Frassiun Faial

A l’è na capella muderna, fèta an t’al 1975. Drinta a l’è a forma at vela cun na grosa trav at cimën. la festa as fa al 16 agust e a l’è ciamaa la festa at “San Busciass”parchè a l’era l’ucasiun par far merenda e balar mes ai “busciass”.