Ina ghescia 'ntl' umbra dla soira

ina candoira avisca

chi teimura 'ntl'oria;

'nt in piz ina 'rlusciù

i vè e i ven a rscceirì

la Madona e Nuscgnù.

In prufum d'incens mscchià

cun achel dle fiù di uort

e cun e bun udur dle viurttte di pra.

In' umbra 'nt in bonch snuiò

'n funz a la ghescia

oira ià chità 'd pregò.

Fora, sla piaza o 'n mez a la via

'n po' aviscca, 'n po' scmuorta

ut ven 'ncuntra la prima lumia.

E in gril cl'ai apoina 'nscì

da sut a la muta de pra

u prega, a se mod; sla fin du dì.

E dment che i bot 'd l'Ave Maria

i rubatu giù 'ntla valada

e, ben o mo, i ruvu 'ndascia

'ndnent in vir 'ntorn au ciuché,

l'Onggr dle soire 'd magg

us coi tucc i te pnsé;

e 'ntacla sctesa soira

cun i te pnsé pi bei u vora

a visccò in' otra sctoira

e pr achei gnent tont bun

a Chi tera e ciel cumonda

pr ti l'Onggr u ciama prdun.