Tres crous à laissa nostre Segnour,

uno per n'El,

douos per nousautres.

Sus lou col de Traversièro soun restà

e deguno gent

li es anà quèrre.

Auro e calabruno

néissenço e mort àn regardà

fin tant que la séio de Deiniàl

les à arvertehà dins sa danço.

 

Tres penos à laissà Nostre Segnour,

uno per n'El,

douos per nousautres,

pausa sus li flour

di nostre pastural.

Per tres journ

l'auro bestourno les à menà

dins li barri de Rocho Esquiàr,

per les estremàr dins les péiros.

Tres journ avén barrà meisoun

per pòur de nostro péno

e a degun avén dubèrt

fin tant que lou silenci nous à cubèrt

de soun mantèl jalà.

Douos crous,

douos penos soun restà escoundìhos

dins li barri de Rocho Esquiàr.