Rèino Jano, rèino Jano, còu de ciéume, sorre umano

de l'aubano;

Esclarmoundo, flour de l'oundo, de la broundo,

claro e moundo, bourro e bloundo,

blound souléu, emé lis iue

de la niue;

Esterello, Esterello, tu siés coumo Santo ESTELLO

dì sèt rai, ma cantarello;

Magalouno, Magalouno, armo e cor, tout te poutouno,

siéu toun Péire, ma chatouno, Magalouno;

escoutan de la cigalo, dins la Vau-Cluso dubèrto,

lou canta, lou gai sabé: L'-Auro vàuro, Muso alèrto

'ntre li nèrto;

dau dau, Mirèio, gau, jo flourau au grand mistrau,

mis amour, flour de la Crau;

Jaufrè Rudèl de Blaio, troubadour de lunchour:

Melisendo, per vous moun pàure cor me dòu,

countesso de Sirio, amour antic e nòu...

de Flòri: Blanco Flour;

iéu vous ame, iéu vous chame: Piamountèso es la chamado;

m'encantas e iéu vous cante, la cantado serenado,

pièi l'aubado: Magali, ma tant amado.

Mai soun li tres Marìo, li Santo de la mar,

ta jouvenço, Prouvenço, lou cap d'autar dòu lar.