Lou passar dal soulei, da nousauti

A l'es ren 'ma lou voste,

Si, vousauti, a-quiéi ed la cità

Que pi que d'cubert e d'muraies veiè pà.

Ici, da nousauti, lou soulei

Vai a' estremasse daluègn

Oùtro la deriero mountagno

Après a na courso

Auto e libro ent'al ciel.

Ici da nousauti, lou soulei

Vai a couijasse tart

Couro lou mount

S'enrouco ed malincounìo,

Couro i pais

S'enduèrmen pian pianet

E tu ed navises di ti Reire

Que se troubaven lou sero

Sla piasseto ed la Ruà

Per fasse na fumà.

E tu sentes lou proufum

De na viouleto passeroulo,

Sentes lou piourrar de na minéito ent' la cuno.

E penses a na fiouréto

Que edman se descoucounarè...

Entan que dal foun de tu

Carcoso nais...carcoso crìo...

E tu sas ren soun que es.

Forsi...forsi es la pouesio.

 

Susy RAINA

Elvo (Val Mairo)

Scuola Media di Dronero