D'outourn, a la fin de setembre,

la journà s'escourcho

e aribo lou temp de la mesquio.

En lantarnin a petroli pendú a la bancho,

lou bambàis que bruso, 'na pichouoto fiamo.

Sus l'ièro lou pisceni, quin sou chaplouiro,

taiho li javèl de paiho,

lou paire l'eslarjo 'mé la fourcho.

La maire sarro 'na brassa de riisho,

es chaudo couiénto e soun proufum

fai revioure,

coumo la sal l'eslarjo sus la paio...

...sempre lou mème gest.

De temp en temp lou paire amossouolo li linsoùol,

fai la coubio, enmouto la mesquio.

Aribo la fin de la serado,

tuche calon a mishoun,

les estélos e la luno fan quiar dins fis charioros,

en boun bichèl de vin ferà li espèro
'mé la nono assetà, en tren de filar.