Sèt, lou numre enmascha dis esmentiòures,

e sèt esquiolles suliée de na mon d'uèli

s'un gro taulàs de lausa

couéien d'esbiès 'na piéio de souléi.

I spèten sèt sarvanòt a merendo

dihen i fremmes dla roué de sout.

Ou n'escabot d'estelles pourtà aval

dal picoutar enchaninà d'un pastre

dl'Agge dla Péiro Souélio?

Ou la marco di fount qu'ai chàus dla rocho

chamaven i troupèl al biouragge?

I pastural esguéien minquecont

sl'eschina que debòino i doues valades,

un charountar de vèlles, 'n piouravlar

de grougnou arént ai teppes làisso arìe

na sentour de lachée, de lano ouncho

e de malproùn d'outougn.

Drech si rouchass i pastre ténen d'uéi

noia qu'estregn i sérc d'un voli cach.

Eiro, tout coume sinc mill'an arìe;

lou temp issiòuto à pa degun valour,

la vito di pastres à pa dgun àgge.