Curo lu sulei

varco lu cunfin

e se stremo

dareire de le muntagne

l'ome

sulet

turno a caso

apres lu travai.

I pas sun curt

le ciambe stanche

lu cor piuro.

Da tanti an

tüci i sero

a caso

lu speto

lu fuec mort

la sino da faa

e i ricord!

Tanti RICORD:

la gent che ero

e che eiro

iè püs,

la guero

e tanti auti

che mac el sà.

Tüci i giurn

l'è parei

cumpagn di sie travai

l'è mac lu sulei

che lu seg

da la matinaa al sero

findi a curo

lu speto

a caso

la tristesso

e en pintun de vin

per anegar

i brüti ricord

e per bialar

le sue speranse

e i sie somi.