Vieio muraio amà,

squiapà e fatigà,

resé, resé al temp

en maniro que posse,

couro 'ntrà 'd vous virou,

respirà la presenço

'd miou paire e 'd le coso

'd ço que iero el pais d'oun es nissù.

Prou 'd maisoun 'd peiro

bou l'oudour 'd fen e 'd crota,

l'escolo, la gabelo, lu negoçi,

la Coumuno, la choca del mesjourn

e 'd  l'Ave Marìo,

l' oste 'd dando Catlinin...

.....................................................

Euro, en baroun 'd maisoun

bou tant 'd chamineo stupìo

e gaire 'd spimassìe 'd fum

que es perden en t'en siel

que smiio fàa da cussin

a le puncho 'd le mountagno

strensuo paternament

d'entourn a n'en pais

que l'es squaise pus.