Oh... tü vièio mait de bosc de nuvìe

da 'mpàu fermo achì e-nt'en cantùn

cüberto de pussiero e d'ruìe

astü perdü' tìo vero funsiùn?

Ma... niage eres patan desbiandüo,

eres sempre dapè a la ternùiro,

èiro nestis pü pigro sies vengüo,

te fas manc püs sülià da la redùiro...

Recordes encaro chela veleo

che t'la entendìes bu lu chissùn

ch'la farino te mandavo sla lüeo

per empastalo ente tìu pansùn?

Te navises de la levà dal crissent,

dal barùn de seil mòuto büratà

e dal tracas che se dunavo la gent

per fa e purtà i pan a furnià?

-Già, già, me recordu de tut encaro,

ma, belo ciambiant mio situassiùn,

siu sempre ütilo, e magaro...

vau a sierve d'àute generassiùn.

Sìu sano, forto, ben entaià,

puarìu esse betà 'nte n'entrado

cumo mobil antic da respetà;

a vantu e unùr d' nosto valado!