Es na vieieta sensa eità

'n mucetass a l'escarsela

d' lana niera fiuradzà;

Ciaussier gross: lonc pi d' na brantsa,

maia verda, faudil bleu,

'ngrepietià süs na brantsa,

dran la meira d'eilamun.

Tuta a rüpies, mentun 'n fora,

ma i sie üei sun viu e fun!

'N t'la vita i à pruvà

ogni sort d' traverserìes:

fin co ch'iaviya es stà brüsà.

Püra ar munt i dà alegriya

s' l'à carcün la ves surire

e cüentar na droleriya!

«Che d' pruverbi che tü sas

d' na sapiensa che dzei püs:

cüenta 'nca ach'la dar pass

ch'aviya sempe i sie sinc sòut

e virava 'n tut lu munt

'n ciamant a Diu la mort !

D'cò tü eura vos mürir

(cura arrübba, che sagrin

vulen pa veite partir!)

Nus mustes tü a viure ben:

"Pià en passiensa e supurtà

ch'aco d'eissi es tu 'n ren!"».