Engenuià 'n tero, la testo 'nti man

prego n'ome din n'estabi, tut sulet

bu i cude puntaià süs 'n viei escagn,

parei l'ai trubà mi ch'entravu chiet, chiet

e per na pesso l'ai bucà fin curo

l'ome se segnà e m'a vist achì drecc;

«Oh! 'scüsame, me fai, lei papüs l'uro

ma lu ben ch'ai pa dicc dran, disìu 'ncà

d'abitüdo lu dìu pü bunuro»;

me piasario, i fau, mai emparà

la maniero de pregà, ben cumo cial,

niage lu sabìu ma ai tut desmentià;

«ciames perdun a Noste Segnur dal mal

ch'as facc e dal ben ch'as pa facc a i fraire,

de gardate sal travai chiamun, chiaval,

de giütà-nus tüci, surtut i paure,

de duna-nu salüte, pas, unestà,

parei m'avìo mustà bunanimo de mio maire».