N'esport e un popoul se soun rescountrà

   Es pousiboul veire na relasioun entre l' espirit de 'n popoul e l'esport que aqueste pratico de mai. Per ezempi l'es da bel troubar un raport tra les calità de lou popoul italian e l'esport dal football (lou "calcio"): la teatralità, l'oportunisme, la jai de far soldi, la furbisio. 'Din la memo maniero lou football american prezento 'bastanso ben l'espirit U.S.A.: carcaren que es pa pus n 'esport aoutentic per aquel que lou pratico, ma 'n gros espetacle da veire, lou triounfe de lou proufesiounisme, de lou business e de la spechalizazioun. D' aouti pais troboun lou siou esport nasiounal 'din les coundisioun climatiques, geougrafiques ou morfoulogiques: se pense a lou squi da found per li scandìnavi ou a la courso ses loungies distanses per i african.

   E lou rugby? Aqueste es sens'aoute l'esport de l'Engletero e d'i pais dal Commonwealth. Ele ven counsiderà a razoun lou "prensi de i esport", per la preparasioun atletico que douno, perfetament equilibrà entre la part soubirano e soutano dal corp, per la grando enteligenso de juec e vizioun rapido que demando, e soubre tout per la sio aouto valour mouralo. Juar a rugby vol dir descuerbe 'din tu les calità lu mai nobiles de l'ome: dran tout lou courage, senso aquel dgun ome, per grand e gros que sie, pol calar s'al ciamp de rugby; apres lou respet de i autre e de tu meme ( 'din aqueste esport ezist pa que un faze finto de s'ese fach mal); e, cozo pi empourtanto, l'espirit de sacrifisi, que te fai reziste bele couro sentes que i ' la fas pa pus. A proupozit d'acò i es famouzo la dicho englezo que i "piloun" (un de li role pi dur 'din l' escouadro) couro mueroun van pa a l'enfern perquè l'an jò counouisù durant la vito.

   Apres l'a 'n fourmidabil espirit de soulidarietà de din l' escouadro, n' es da boun coumo de fraire ou coumo de souldà en guero, carcaren que qui a jò mai juà a rugby pol pa capir. Pa per ren se parlo d'aqueste esport coumo de na raprezentasioun ritoualizà de les bataies tra famies ou tra tribù que i nostre reire fazioun per razoun de soupravivenso.

Lou meme criteri founda-mental dal juec, la councouisto de teren atravers l' avansado dal baloun ouval, courispound a 'n aqueste paradigrno de tipou, poulen dir, militar. L' unioun que animo lou rugby es ben figurà da la "mesquio sarà" (que es pa 'n bal de San Peyre ma la "mischia chiusa"), entè 8 ome deventoun 'na cozo souleto, coumo 'na maquino que pouso anant. Tra l'aoute 'din aqueste esport l'a na lueio per chasque taio, da l'ome pichot e lindou a n' aquel aut mai de dui metre, da l'ome costò q ue peso mai de 100 quilou a n' aquel lest coumo na leoure.

   Lou rugby es un di pa gaire de i esport entè lou proufesiounisme es encà prouibì. Decò din les escouadres nasiounales un es avoucat, l' aute countadin, ec. Chasquedun pratico lu rugby pa per ganhar ma per lou semple piazer dejuar e per far ounour a soun chouquier. Aqueste es lou ver espirit oulirnpic, e pa  per ren que lou meme De Coubertin arbitravo uno d'es premieres parties enternasiounales de rugby. L' esport deou ese dran de tout 'n juec, 'din lou sens pi aout de la parolo, carcaren que permet a la persouno de s' amusar aboù soun corp e de sorte de la seriouzità de la vito de tuchi i jurn, de retournar 'n paou meinà. Pa coumo capito encui, entè tanti juadour de "calcio" soun cuatà de miliard , ma gavà da lou baloun sarioun de falì ou de paias.

   Per toutes aquestes razoun deven ese redi irous se lou rugby, naisù e enreizà 'din la nobil Engletero, sie devengù l'esport pi poupoular 'din l'Ousitanio fransezo. Coumo acoquì sie aribà la resto 'bastanso' 'n misteri. Ma la vol dir que l'espirit aoutentic dal nostre popoul s'es retroubà 'din i valour dal rugby. La memo cozo s'es pasà a de popoul que vivoun de l' aoutre cant de lou pianeto, ma decò lour lià a la tero e a la naturo: pensou a l'Aoustralio, a les Izoules Figi, e sourtoù a la Novo Zelando, aboù la sio mitico escouadro, li All Blacks (Tuchi Nier). Nouzaoutre ousitan sien, pr'acò, en bono coumpanhio.

   En Franso lou campiounà magiour de rugby es juà per lou 75% da escouadres ousitanes, e 'scazi touto la nasiounal i es facho da juadour ousitan, gavà carque basc. Pr' aquesto razoun s'es creà, da pa gaire de temp, e mi coumo ex juadour de rugby siou ben ravì de i aderir, l' ASSOCIATION OCCITANE POUR LE RETOUR DE LA FINALE DU CHAMPIONNAT DE FRANCE DE RUGBY DANS  LE SUD. Es, pensou, un d'i premier tentatiou de realizar la valenso ousitanisto dal rugby. Eisì 'din nostes valades les condisioun ambientales, l'emigrasioun e decò lou boumbardament calchistic da part de i media italian an estoufà i pa gaire de pas vers lou rugby, coumo ero està l'escouadro de La Tour (Torre Pellice) 'na dezeno de an pasà. Qui vol ne saber de mai poi guinchar les ultimes parties dal "Torneo d' es 5 Nasiun" (Galles, Escosio, Irlando, Engletero e "Ousitanio"), lu pi empourtant que se juo chasque an en Eouropo, (de sande, ma les sus la pay-tv TELE PIÙ 2). Qui a la chanso de veire na partio  poularè apresiar aqueste encharmant espetacle de forso, lindeso e enteligenso.