S'es tengua aquest'an, lo 23 d'avril, la desena edision dal Vir dal Vizo: gara de ski alpinisme e de ski da fond d'importansa intenasionala.

Es istaita una edision tota particolar, sortot per lo Com itat Organizator, que s' es Vist obligà, apres aver trasà un percors alternativ a soque l'era l'original, per la mancansa de neu, a sërchar n' autre percors, per l'abondansa de neu tombaa dins les jorns dran la gara e delora la gara era entren. Les omes dal Socors Alpin e les volontari dal CAI de Saluse, que trasen lo percors e que garantisen lo servisi de sicuresa de la gara, an possu definir lo percors definitiv mac dins les prime ores dal 23 avril, jorn de la gara.

Les charamaiades de la prima son les pus pericoloses per les chalanches pracò lo percors alternativ a pa portà les atletes a l'ëntorn dal Vizo, e les quaranta cobies qu'an partecipà aquest'an, son pa sortues da la Val Po e an coru sus un percors de 25 km. abo un dëslivel de 2200 m.,  ënvece de les 35 km. e un dëslivel de 3050 m. de la gara clasica.

Lo Vir dal Vizo es una gara que dins des ans, s'es ganhaa un post prestigios dins l'ambient de l'agonisme de montanha. Inseria dins la Copa Europa de ski alpinisme, Veg la participasion d'atletes ëspanhòls, franses, ë svisser, tedesc, austriac, sloven e italian, portand lo mori dal Vizo, nosto montanha reina, per tota Euròpa.

Tot' aquesta gent qu'ariva da loenh per far lo Vir, carque bot fai dësmentiar que i'a dëcò d'atletes qu'an corù e que viven tut l'an isì dapè dal Vizo. Son pa profesionistes, i'a un pica peires, un poseur de peires, un gestor de rifugio, una impiegata, des ovries e des estudents, ma scazi tuchi dediquen lo temp líber de l'uvern per së preparar a la gara. Sensa lor que coren da cant a les "masters" que venen da loenh lo vir saria pa lo meme, perchè son sortot lor a donar ghëdolo al Viz, sensa d'ësponsor ma abo la pasion que da de dins i pasa.